أمطار وسيول على الشعراء الحبيبة الثلاثاء 16/1/1435 هـ

شقراوي الناصر · #1 23-11-2013, 04:19 PM

بسم الله الرحمن الرحيم

السلام عليكم ورحمة الله وبركاتة

يالله حي هالوجية الطيبة أعذروني على عدم الدخول للمنتدى في الأيام الي راحت
لظروف خارجة عن الإرادة وهي وفاة 2 من عيال عمي :heart::heart: في حادث مروري مروع

الشاهد أني قلت بغير عن الحزن شوي وفي يوم الثلاثاء 16/1/1435 هـ جانا خير من ربي جعله دايم ولا ينقطع

كلموني عيال خالي في الشعراء وقالوا تعال يمنا لايفوتك الجو غيوم والشعبان سايله قلت أبشروا جايكم

ويوم صليت العصر ولمت إحتياطات السلامة من بنزين وشنطة إسعافات أوليه وجكيتات وفروه وشماغ وكل شي تمام توكلت على الله من الدوادمي الى الشعراء الحبيبة :heart: طبعا الطريق كله ماء وزحمة سيارات ويالله من فضلك

ما أطول عليكم وتفضلوا الصور :/

على طريق الشعراء ومن يوم مسكت الخط والخير من مطر وجو يالله من فضلك

وهذي صورة جتني من عيال خالي في الشعراء علشان يحمسوني على الجو هههههه

شمس ومطر وغيوم اللهم صيبا نافعا

الصور أحيانا تكون أبلغ من الكلام

وأقبلت على مصلوخه :r

ما زلنا نقترب !

لاح نورك يا زين الاوصاف
مدري الحكي يكفي ولاالمحبة قويه

أقبلت على مصلوخه ويلاحظ من بعيد جبل ثهلان :heart:

وبعد ما وصلت مصلوخه قلت يا ولد الجو يجبرني على أني أوقف على جنب
وأخذ صورة حلوه للمنظر الخلاب

والغيوم على الشرق والربع كانوا يم عريده يقولون جانا بردي وخير من ربي عظيم

وهنا الأرض أرتوت وسالت جعلها أمطار خير وبركة يارب

قوس الرحمن وقطرات المطر على قزازة السيارة
منظر يسحر القلوب من روعته سبحان الله

يا مال السيل يالشعراء :heart:

وهذي الصورة قبل مدخل الشعراء

يقول الحارث بن حلزة :

ولو أن ما يأوي إليّ أصاب من ثهلان فِنْدا
أو رأس رهوة أو رؤوس شمارخ لهددن هدّا

صوره أخرى لجبل ثهلان بالقرب من مركز المحافظة

كنت في الطريق متوجه لشعيب الشعراء يقولون سايل وعيال خالي والخوي أبو عمر ينتظروني عند الشعيب وشفت هالمنظر وزاد شوقي للسيل

السيل يمشي حول الرصيف

محاولة للأحتراف ههههه

وبعد ما لفيت من عند مفرق الشبرميه وموجه للشعيب

الأرض سايله ما شاء الله والسيل مد نظرك

جبل ثهلان والسيل من تحته

بعد ما جيت لقيت العيال متجمعين وكل واحد وكامرته والعالم تقطع الشعيب رايح جاي
وسعة صدر والي جالسين على جنب ومنزلين عزبهم وجو خيالي الله يديمها علينا يارب

والغيم يغري المشتاق بالحيل همال
لاشاف المطر يروي الأرض وضماها

الشاص يشخص في العيون انضارها
واغلـى المواتـر تجيلـه طايعـه
شكلـه مميـز ونفـسـه دارهــا
ويديـر كـل شـي منّـه مانـعـه

هذا الرجال أحسه توهق يوم بغى يرجع :D

حتى الآن السيل مبعد سال بقوته المعروفه
لأني مشيت العشاء وقالوا عيال خالي أنه زادته قوته والمويه فوق المواصير الحراء ومحد يقدر يقطعه حتى الجيوب ما تقطعه

الصورة أبلغ من الكلام

راعي الجيب هذا الله يجزاه خير يعطينا نظرات كلها محبة وأخوه
وبعد ما قطع السيل وقف على جنب وسلم على الشباب

صورة بانورامية لشعيب الشعراء أثناء سيله

وفخر نيسان يتجول في السيل ويقطعه سلام سلام :D

أترك التعليق لكم

وفخر تويوتا يبدع ويتأنق في السيل :D

قلت لود عمي بركب معك ونقطع السيل قال أبشر
طبعا خاطرنا بأرواحنا علشان نطلع لكم بصور حلوة وجميلة من أجلكم :heart:

هنا أنشل فكري من التفكير لهذا المنظر
صورته وقلت لولد عمي مشينا يالأمير

هذا تقرير بسيط عن الأمطار والسيول الي جت للشعراء يوم الثلاثاء 16/1/1435 هـ
وكل هذا تغيير جو الحزن شوي وأتمنى أني وفيت وكفيت في هذا التقرير وأعذروني على القصور وعدم دمج الردود في رد واحد لأن صارت مشكلة

طبعا بعد ما مشيت من عند عيال خالي على طريق الشعراء - الدوادمي كان مليان مويه وأنا كان فكري مشغول وفاجأة ضربت فرامل وحذف فيني الموتر على المسار الثاني وكانت في سيارة جايه وقريبه مني وتضرب يدي اليسار في الدركسو وعدلت الموتر رغم أن يدي صار فيها رضه من الصدمه لكن عدت على خير وستر الله

أعذروني على القصور ولاهنتو

وتقبلوا تحيات أخوكم / شقراوي

والسلام عليكم ورحمة الله وبركاتة

السعييدي · #2 24-11-2013, 10:43 AM

الله يطرح فيها البركة وان يغيث بها البلاد و العباد

تسلم على هالصور اللي تشرح الخاطر ..

شقراوي الناصر · #3 24-11-2013, 02:45 PM

إقتباس

المشاركة الأصلية بواسطة السعييدي


	الله يطرح فيها البركة وان يغيث بها البلاد و العباد تسلم على هالصور اللي تشرح الخاطر ..

الله يسلمك ويسعدك يالأمير
ولاهنت

موج الغلا · #4 24-11-2013, 11:54 PM

ماشاء الله لا قوة الا بالله

صور تشرح الصدر

الشبرميه الشعرا

ماقصرت الله يعطيك العافيه

تقييم وتثبيت

ابووعلي · #5 25-11-2013, 10:11 AM

الله يطرح فيها البركه امين

شقراوي الناصر · #6 25-11-2013, 02:52 PM

إقتباس

المشاركة الأصلية بواسطة موج الغلا


	ماشاء الله لا قوة الا بالله صور تشرح الصدر الشبرميه الشعرا ماقصرت الله يعطيك العافيه تقييم وتثبيت

جزاك الله خير
ولاهنتي

شقراوي الناصر · #7 25-11-2013, 02:53 PM

إقتباس

المشاركة الأصلية بواسطة ابووعلي


	الله يطرح فيها البركه امين

اللهم امين يارب
شكرا على المرور يالأمير ولاهنت

عبدالعزيز عبدالله الجبرين · #8 30-11-2013, 04:30 PM

الله الله ما اروعك وما اروع تقاريرك

سلمت وبيض الله وجهك وتهناكم الرحمة

شقراوي الناصر · #9 01-12-2013, 02:59 AM

إقتباس

المشاركة الأصلية بواسطة عبدالعزيز عبدالله الجبرين


	الله الله ما اروعك وما اروع تقاريرك سلمت وبيض الله وجهك وتهناكم الرحمة

اللهم امين ومن يقول يا أبو الريم
لاهنت على المرور يالأمير

ام الاميره · #10 28-01-2014, 11:36 PM

ما شاء الله

شقراوي الناصر · #11 07-02-2014, 12:37 PM

إقتباس

المشاركة الأصلية بواسطة ام الاميره


	ما شاء الله

أفلحتي
ولاهنت على المرور

خيارات الموضوع
عرض نسخة للطّباعة ارسل هذه الصفحة لصديق
طريقة العرض
النمط الخطي التحويل إلى النمط الشجري التحويل إلى النمط المتطوّر