فرحت لك .. وأنا معاليقي حطام a

آخر المشاركات المطروحة في منتديات قبيلة بني زيد

  هل تريد أجر تلاوة القرآن آناء الليل والنهار وأنت مرتاح في مكانك (صورة) ( آخر مشاركة : ساكتون    |    أدخل في 12 مشروع من مشاريع السقيا بأسهل وأسرع طريقة (صورة) ( آخر مشاركة : الجنرال    |    أسهل طريقة لكي لاتفوتك صدقة عشر ذي الحجة خير أيام الدنيا (صورة) ( آخر مشاركة : ساكتون    |    أوقف برادة عنك أو عن والديك أو عن متوفى أنقطع عمله لتكون له صدقة جارية لاتنقطع (صورة) ( آخر مشاركة : ساكتون    |    وقف رسمي بمكة المكرمة داخل حدود الحرم حيث الحسنة بمائة ألف حسنة (صور ( آخر مشاركة : ساكتون    |    أرخص كفالة حجاج في السعودية لعام 1440هـ (صورة) ( آخر مشاركة : ساكتون    |    لمن يشتكي من ازعاج من رسائل المسابقات ( 7000 ) ( آخر مشاركة : خالدالراجحي    |    موبايلي ايقاف مبيعات باقة الانترنت اللامحدود ( آخر مشاركة : خالدالراجحي    |    ماهي الأسباب المؤديه لبعض الأعضاء ترك منتدياتهم ؟!!! ( آخر مشاركة : ربيع الحق    |    أضِـف بصّـمَـتُـك اليَـوّمِـيّـة ( آخر مشاركة : سعود الصبي    |   


العودة   منتديات قبيلة بني زيد > القسم الادبي > تراثيات وشعبيات وقصائد منقوله
التّسجيل   جعل جميع المنتديات مقروءة

فرحت لك .. وأنا معاليقي حطام

المشاركة في الموضوع
 
خيارات الموضوع طريقة العرض
  #1  
قديم 07-02-2013, 10:28 PM
الصورة الرمزية لـ عبدالعزيز عبدالله الجبرين
عبدالعزيز عبدالله الجبرين عبدالعزيز عبدالله الجبرين is offline
مشرف القسم العام
 






عبدالعزيز عبدالله الجبرين is a glorious beacon of lightعبدالعزيز عبدالله الجبرين is a glorious beacon of lightعبدالعزيز عبدالله الجبرين is a glorious beacon of lightعبدالعزيز عبدالله الجبرين is a glorious beacon of lightعبدالعزيز عبدالله الجبرين is a glorious beacon of light
 
فرحت لك .. وأنا معاليقي حطام

 

أسعد الله أوقآتكم..

*

فرحت لك .. وأنا معاليقي حطام
والصدر .. من ما فيه بيّح كنينه



فرحة يتيم ٍ .. ليلة العيد ما نام !
خالاته , وخواله .. مواعدينه


مواعدينه بشت .. وشماغ بسّام
ويلّعبونه .. في ملاهي المدينه


مانام .. واحلامه تحّراه قدام
كنه يطول أحلامه بـ ( راحتينه ) !


صبحه تجّلا نوره بـ / عيد الاسلام
وقبل يروح المسجد : ملّبسينه


جده ما بين العين والجيم واللام
خلّيه يافلانه .. ولا تأخرينه !


تراقبه بـ / عيونها .. حب وهيام
وعيونها .. ممّا تكنّه / حزينه


"يعرض لها الماضي مثل عرض الافلام "
لـ .. ماضي ابوه وغلاه وحنينه


يرجيه لـ ( سنين القسا ) درع وحزام
وجنب ٍ على صكات بقعا يعينه


ابو ثلاث أعوام .. والا 4 أعوام
يغار منه البدر .. من كثر زينه


صلّى وجاء وأمر الله اللي قضى تآم
ماهوب داري عنه .. زينه وشينه


بشته عليه .. مهندم ٍ خير هندام
واللي بـ / عمره .. كلهم محترينه


يوم اطلعوا للشارع انقسموا أقسام
وأهم مافي القصه ؟ ملّعبينه


تداعب رموشه .. ذعاذيع الانسام
ويابردها .. يوم آيبست شفّتينه


وعلى تراب الأرض بأصبعه رسّام
أما رسم له طير .. والا سفينه


العيد طعمه كان في الشارع العّام
ماهوب عن رغباته .. مقيدينه


رجع ولكن فرحته ضايعه ( دام :
كل ٍ مشى ) وأخذ ولده بـ / يمينه


صاروا خواله في نظر عينه اصنام
آحيوا بـ .. داخله الجروح الدفينه


ولا عنده الا أمه وناب القهر سّام
جاها يبي منها اليدين الأمينه


شعوره اللي حس به مثل الإلهام
وأول سؤال في باله : أبوي وينه ؟


سؤال : لكن كان مثل النبا الهّام
لازال باقي في المسامع .. رنينه


جته تعدي , ماهو تخّطي بالاقدام
وشالته بيديها .. وحبّت جبينه


أبوك : جاء البارح وقبل الفجر قام
وشرى لك ألعاب , وهدايا ً ثمينه


تراه حبّك وأنت غارق في الاحلام
وراح لـ .. دوامه , والشغل مرسلينه


لحظه .. وهو بين الحقايق والأوهام
والدمع الازرق حاير فـ .. مقلتينه


يمّه : ترى مانمت والعالم نيام
ماجاء .. ولا لمست يديني / يدينه



مدام رقمه معك من بين الارقام
بـ .. أكلمه , يوم إنك تكلمينه !


طاحت ما كن آلها من الصدمه عظام
ولاعاد فيها صبر .. ولا سكينه


قالت بدون شعور وإدراك وإلمام
أبوك ! في تراب القبر دافنينه


العام مات .. ومتّ من موته العام
وكني بعد مامات عني سجينه


أبوك جندي للوطن ضد الإجرام
عطاك عمره دون داره ودينه


تفجّرت من تحت رجلينه ألغام
ولاعاد لي بعده حصون ٍ حصينه


بكّت .. وطاح الدمع من حر الآلآم
وبكى وطاح الكون من موق عينه


كل ٍ عذلها .. بين عاتب ولوّام
تصّبري .. خلي ضلوعك متينه


ماهو صحيح ان الضروره لها احكام
اكبر خطاء يوم إنك تعلمينه


بكره تنسّيه الليالي والايام
هو فيه أحد ينسى حدا والدينه ؟


طير السعد في عالمه مابعد حام
والله يعلم وش تخبي سنينه


أنا كذا ! ساكت وصابر ومنضام
لكن كان الفرق بيني وبينه :


الدمع لـ .. عيون الأرامل والايتام
ودمع الرجل ذل وهوان وغبينه !
راقت لي كثيرآ
اتمنآء تعجبكم

 


::: التوقيع :::

اللهم أسالك ان ترحم والدتي وشيخنا ابن جبرين و تغفر لهما ولجميع المسلمين انك سميع مجيب



 
الرد مع إقتباس
  #2  
قديم 13-02-2013, 10:16 AM
الصورة الرمزية لـ ناصر النواصر
ناصر النواصر ناصر النواصر is offline
عضو v.i.p
 






ناصر النواصر will become famous soon enough
 

 


الدمع لـ .. عيون الأرامل والايتام
ودمع الرجل ذل وهوان وغبينه !


صح لسان القايل
وتسلم يا الناقل

 


::: التوقيع :::



 
الرد مع إقتباس
  #3  
قديم 23-02-2013, 06:40 PM
الصورة الرمزية لـ عبدالعزيز عبدالله الجبرين
عبدالعزيز عبدالله الجبرين عبدالعزيز عبدالله الجبرين is offline
مشرف القسم العام
 






عبدالعزيز عبدالله الجبرين is a glorious beacon of lightعبدالعزيز عبدالله الجبرين is a glorious beacon of lightعبدالعزيز عبدالله الجبرين is a glorious beacon of lightعبدالعزيز عبدالله الجبرين is a glorious beacon of lightعبدالعزيز عبدالله الجبرين is a glorious beacon of light
 

 

ناصر النواصر شكرا لمرورك

 


::: التوقيع :::

اللهم أسالك ان ترحم والدتي وشيخنا ابن جبرين و تغفر لهما ولجميع المسلمين انك سميع مجيب



 
الرد مع إقتباس
  #4  
قديم 24-02-2013, 08:26 AM
الصورة الرمزية لـ عصام الحسيني
عصام الحسيني عصام الحسيني is offline
عضو متميز
 






عصام الحسيني has a spectacular aura aboutعصام الحسيني has a spectacular aura about
 

 


ماهو صحيح ان الضروره لها احكام
اكبر خطاء يوم إنك تعلمينه


بكره تنسّيه الليالي والايام
هو فيه أحد ينسى حدا والدينه ؟


انتقاء رائع يا ابو الريم

 


::: التوقيع :::



 
الرد مع إقتباس
  #5  
قديم 27-02-2013, 06:10 PM
الصورة الرمزية لـ عزوز الحسيني
عزوز الحسيني عزوز الحسيني is offline
عضو مثالي
 






عزوز الحسيني will become famous soon enough
 

 

عشت يا سمي
وعاش الشاعر

 

الرد مع إقتباس
  #6  
قديم 10-09-2013, 04:28 PM
الصورة الرمزية لـ عبدالعزيز عبدالله الجبرين
عبدالعزيز عبدالله الجبرين عبدالعزيز عبدالله الجبرين is offline
مشرف القسم العام
 






عبدالعزيز عبدالله الجبرين is a glorious beacon of lightعبدالعزيز عبدالله الجبرين is a glorious beacon of lightعبدالعزيز عبدالله الجبرين is a glorious beacon of lightعبدالعزيز عبدالله الجبرين is a glorious beacon of lightعبدالعزيز عبدالله الجبرين is a glorious beacon of light
 

 

 


::: التوقيع :::

اللهم أسالك ان ترحم والدتي وشيخنا ابن جبرين و تغفر لهما ولجميع المسلمين انك سميع مجيب



 
الرد مع إقتباس
المشاركة في الموضوع


خيارات الموضوع
طريقة العرض

قوانين المشاركة
لا بإمكانك إضافة موضوع جديد
لا بإمكانك إضافة مشاركات جديدة
لا بإمكانك إضافة مرفقات
لا بإمكانك تعديل مشاركاتك

كود [IMG] متاح
كود HTML غير متاح
Trackbacks are غير متاح
Pingbacks are غير متاح
Refbacks are غير متاح

 
جميع الأوقات بتوقيت السعودية. الساعة الآن » [ 01:47 PM ] .


Powered by vBulletin Version 3.6.4
Copyright ©2000 - 2019, Jelsoft Enterprises Ltd.
SEO by vBSEO 3.1.0 ©2007, Crawlability, Inc.
حقوق كل مايعرض في هذا المنتدى محفوظة لمنتدى بني زيد
www