قولو لمنهو ينتحلها ماتجيله بانتحال - هذي مواهب مدها من عند خلاق العبيد

بالله ياللي تسمعون القول والمنطق عقال
ياهل العقول الراجحه والشور والراي السديد
ياهل المعرفه فالزمان اللي كثر فيه الهبال
على جميع الاصعده ماهيب تلقا في صعيد
حنى تعبنا والكلام يعاد لو انه يقال
ابرك من اللي ينشدونك علة الراس البليد
لو كان مش الحال يمشي من وراها كل حال
يمدي بلعناها وقلنا مش حالك يالشديد
حنى مكاننا المنبر لاقام للشعر احتفال
قد المقام ولاتهون تضيع يالمجد التليد
غيث المسامع يوم اغنيها على روس الطوال
زهو القوافي فالمعاني كنها الطلع النظيد
لكنها منكم تبي توقع على اوسع مجال
تصير الاوكب دام اللي نقول هو الاكيد
جهيل تولدها جهل والشعر مبدا للجزال
واللي يثمن منطقه يرقى عن الوضع الزهيد
صاير وسيله من ورى غايت ضعيفين الرجال
كلن ليا منه بغاها جرها في رأس حيد
قولو لمنهو ينتحلها ماتجيله بانتحال
هذي مواهب مدها من عند خلاق العبيد

وسلامتكم ..

صح لسانك يالغالي
أحس والله أعلم أن القصيدة فيه رسالة موجهه لشخص أو مجموعة
لكن مدري والله لأني متذوق في الشعر وان شاء الله يجونك الي في الموقع المختصين بالشعر ويقيمونك

انا أعطيك 8/10

صح السانك يا اخوي

ما شاء الله عليك. الله يوفقك

صح لسانك وعلى شانك

صح لسانك والصراحه ابيات قوووية
واصل وسجلني من متابعين قصائدك