العادة جرت!!! a

آخر المشاركات المطروحة في منتديات قبيلة بني زيد

  لمن يشتكي من ازعاج من رسائل المسابقات ( 7000 ) ( آخر مشاركة : خالدالراجحي    |    أجهزة المحمول الصينيه وصحة الانسان ( آخر مشاركة : خالدالراجحي    |    توقف رسمي لخدمة فايبر في السعودية ( آخر مشاركة : خالدالراجحي    |    ماهي الأسباب المؤديه لبعض الأعضاء ترك منتدياتهم ؟!!! ( آخر مشاركة : خالدالراجحي    |    أروع وأجمل تموينات ومخبز ممكن أن تراها بعينك (صور) ( آخر مشاركة : ساكتون    |    أجمل وأروع مشروع بريال واحد فقط (صورة) ( آخر مشاركة : ساكتون    |    معركة ( الثنية ) يارم افزعي لشيحان العقيد الشيخ على بن عطية ( آخر مشاركة : الطايل    |    ب 50 ريال فقط سيكون لك أجر مليون شخص وأجر خمس أوقاف بما فيها بئر للسقيا وجامع (صورة) ( آخر مشاركة : ساكتون    |    موبايلي ايقاف مبيعات باقة الانترنت اللامحدود ( آخر مشاركة : خالدالراجحي    |    أعظم أوقاف القرن الواحد والعشرين فكرة إبداعية في مكة المكرمة داخل حدود الحرم (صورة) ( آخر مشاركة : ساكتون    |   


العودة   منتديات قبيلة بني زيد > القسم الادبي > تراثيات وشعبيات وقصائد منقوله
التّسجيل   جعل جميع المنتديات مقروءة

العادة جرت!!!

المشاركة في الموضوع
 
خيارات الموضوع طريقة العرض
  #1  
قديم 30-12-2003, 04:33 PM
Double Click Double Click is offline
عضو مشارك
 





Double Click is an unknown quantity at this point
 
العادة جرت!!!

 

يمكن مالي بالشعر كثير

بس هذي رائعة من روائع : عبدالرحمن بن مساعد

حبيت أضعها مع وصلة الصوت

[RAM2]http://www.bin-msaad.com/sound/AL_3adah_Jarat_jed99.ram[/RAM2]

العادة جرت
كل طالب مجتهد دمه ثقيل

العادة جرت
كل مخلص في الهوى حظه قليل

العادة جرت
العطوف اللي كريمٍ في الجرايد
في الأزقة والحواري له عوايد .. يصبح القاسي البخيل

العادة جرت
جُل من يصبح ثري .. يكتب شعر
والقصائد تحتري اغلى سعر
الشعر اصبح مجلة .. جلها غث وهزيل

العادة جرت
لمّا نسافر كلنا في الصيف .. نمشي مخشبين
كلنا نحكي بفخامة .. نمشي بفخامة .. والابتسامة لما نسّلم
نبتسم كأن فيه مصورين
ورغم اننا نسافر لجل نلقى بعض .. ونعرف بعض
الا اننا لما انتقابل نلتفت متجهمين
ماهو جنون .. ولا عبط
تظهر أغاني من نمط .. أربع سنين انتطالع بالعيون
وفي المواعيد اللي ماادري منهو كان العبقري اللي عطاها
نجلس في نفس الاماكن .. ننتظر نفس الوجيه
تظهر بكامل بهاها
ويبتدي ذاك الحوار السرمدي :
- شف هذاك شلون لابس .. ماهو صاحي
- شف هذاك موجود في كل النواحي
- شف هذيك شلون تضحك .. ياخزياه ياعيباه يالله
- شف هذيك شلون تمشي .. شف هذاك شلون جالس
- شف رفيقك .. ليش عابس ؟؟ خل نروح ونسأله
- لا انتظر هذا ماشي مع هله
وينتهي هذا الحوار السرمدي
فينا نقول : وش هالصخب .. هالديرة مليانه عرب !!
كأننا متفاجئين
ولما نرجع بالسلامة .. العادة جرت .. انا نكون متنكدين
ومافي سبب غير اننا ما كنا حنا
غير اننا لما نسافر .. دايم نكون ممثلين
ولجل نطلع من تقمص دورنا .. لما نرجع
نحتاج نقعد ناطرين أسابيع وأيام .. ونظهر من الانفصام

العادة جرت
انّا نجل الأجنبي .. ونقصي القريب

العادة جرت
انها الايام تمضي ومسجد الاقصى سليب

العادة جرت
كل ما جو الخليج صفي وراق
يبتدي العم سام .. عزف موال العراق

العادة جرت
كل ما اكتب قصيدة .. اوصف الواقع بها
القى جاهل ما اريده .. يعتقد انه لها

العادة جرت
كل ما اكتب يقيني أو ظنوني ..
يكاد المريب أن يقول خذوني ..

 

الرد مع إقتباس
  #2  
قديم 30-12-2003, 05:13 PM
الصورة الرمزية لـ محمد بن صقيران
محمد بن صقيران محمد بن صقيران is online now
شاعر بني زيد
 





محمد بن صقيران is on a distinguished road
 

 

Double Click

هلا والله ويا مراحب وياحي ما جاء منك
واهم شئ قبل القصيدة هو وجودك معنا
وصح لساانك وسلمت
مشاركة جميلة لاهنت يالغالي
ولك التحية

 


::: التوقيع :::

[img][/img]
قصر واسط


 
الرد مع إقتباس
  #3  
قديم 30-12-2003, 05:42 PM
Howaimel Howaimel is offline
عضو نشيط
 





Howaimel is an unknown quantity at this point
 
Double Click

 

صح لسانك , اثر منتب هين :H

 

الرد مع إقتباس
  #4  
قديم 30-12-2003, 07:55 PM
الصورة الرمزية لـ .. P e A r L ..
.. P e A r L .. .. P e A r L .. is offline
سيدة القلم
 





.. P e A r L .. is on a distinguished road
 

 

حلوة والله .. يعطيك العافية Double Click

 

الرد مع إقتباس
  #5  
قديم 30-12-2003, 08:08 PM
الصورة الرمزية لـ Haifa
Haifa Haifa is offline
مصورة محترفة
 





Haifa is an unknown quantity at this point
 

 

صح لسان الشاعر

وسلمت يمناك

قصيده رائعه .. من شاعر أروع طالما كان مع المواطن وهمومه

تحياتي لك

الجوهره

 


::: التوقيع :::


ياوجه أبي وَ أمي لاتغيب ،


 
الرد مع إقتباس
  #6  
قديم 31-12-2003, 12:32 AM
Double Click Double Click is offline
عضو مشارك
 





Double Click is an unknown quantity at this point
 

 


محمد بن صقيران.. يحييك ربي أكثر

Howaimel.. ماعليك زود

kaLBo0oSha.. ويعافيكي

جوهــ نجد ــرة.. صح لسانك، وصدق من سماه شاعر الإنسانية


مشكورين وماننحرم من ردودكم ان شاء الله...

 

الرد مع إقتباس
المشاركة في الموضوع


خيارات الموضوع
طريقة العرض

قوانين المشاركة
لا بإمكانك إضافة موضوع جديد
لا بإمكانك إضافة مشاركات جديدة
لا بإمكانك إضافة مرفقات
لا بإمكانك تعديل مشاركاتك

كود [IMG] متاح
كود HTML غير متاح
Trackbacks are غير متاح
Pingbacks are غير متاح
Refbacks are غير متاح

 
جميع الأوقات بتوقيت السعودية. الساعة الآن » [ 04:12 PM ] .


Powered by vBulletin Version 3.6.4
Copyright ©2000 - 2020, Jelsoft Enterprises Ltd.
SEO by vBSEO 3.1.0 ©2007, Crawlability, Inc.
حقوق كل مايعرض في هذا المنتدى محفوظة لمنتدى بني زيد
www