يازين لاتشر ترى القلب منصاب اخاف بعد العرف يصير فرقا

مساء الخير على الجميع واضع بين ايديكم الكريمه هذه الابيات الكيبورديه التي جاءت على عجل
امل ان تتفضلوا وتقبلوها كماهي وان تسمحوا له بالعبور 0واقول

يازين لاتشّر ترى القلب منصاب
اخاف بعد العرف يصير فرقا

يبو شعر ضافي على المتن منساب
مالك شبيهن بين سمرا وزرقا

فيك البياض اللي كما صفحة اكتاب
وزينك على كل البشر فيه فرقا

انت الجميل وكل مافيك جذّاب
انوح من حبّك مثل نوح ورقا

هذا كلام الصّدق مانيب نصّاب
ليتك بوسط القلب تمشي وترقا

وكانك بعد مثلي ولانته بلعّاب
اصبحت انا ويّاك بالحب غرقا

الله يجمعنا على كل ماطاب
وتشفى جروحن بالمعاليق حرقا

عجّل علي بالرّد ياسيد الاحباب
حالي طرقه الهم يازين طرقا

وان كان في ردّك غدا زعل وعتاب
الصّدر ضاق وصار بالحلق شرقا

وسلامتكم

ملاحظة0وردة كلمتين متشابهتين بقافية العجز بالبيت الاول والثالث ومختلفتين بالمعنى
الاولى تعني الابتعاد والاخرى تعني الاختلاف للتّوضيح فقط

يعطيك العافية

هل هذامن نظمك ؟

صح لسانك

صح لسانك

انت الجميل وكل مافيك جذّاب
انوح من حبّك مثل نوح ورقا


ما شاء الله عليك
انتي شاعره يا سارونه كان هذا من نظمك
انصحك تكتبين في قسم الشعر على طول
الله يوفقك

هلا بك سارونه


أحييك أختي على شاعريتك وأحب أقول واصلي فأنتي مبدعه

حياك الله يا سارونه

ليتك كتبتي القصيدة في قسم القصائد المنقولة لأن هذا المنتدى لليكتب الأعضاء فيه محاولاتهم الشعرية الخاصة بهم وهذي القصيدة منتشرة في المنتديات بإسم سعد العازمي لا يحسبنا سارقين قصيدته ويزعل علينا وإن كانها لك وهو اللي سارقها فعلمينا

مشكوره سارونه على النقل المميز

والقصيده معروف انك ماكتبتيها لان البيت الثاني يوضح ذلك

وياليت تنقل للقسم المناسب

سلم يداك وصح لسانه. ةالله يجمعكم بخير