زمان الغرابات

سعود الدريبي · #1 17-01-2005, 02:04 AM

احبائي رواد منتدى بني زيد ..
هاانا اعود وكلي شوق اليكم ..
وعذرا للانقطاع عنكم حيث كنت خارج البلاد ...

وتقبلوا اعتذاري وهذه الهديه...

هذا زمانن فيه كل الغرابات
شاب الغراب وهد فرخ الحديا
يا سامعٍ صوتي لك ازكى التحيات
اطرب وخل الهم والنوح ليا
ماهي غريبه يبكي الحي من مات
مير الغرابه يبكي الحي حيا
مر الندم ما هوب من فايتٍ فات
مر الندم لا جيته ولا تهيا
ما يجرحك كثر الهذر مير بسكات
يجرحك زول ٍ ما نطق لك بشيا
ويبرا صويب وقعت فيه طلقات
ويموت من مز العسل بالشفيا
والمعذره لو وقفت سبعة أبيات
عيت تزود وقفت بي كذيا
وتحياااتي للجميع..

محمد بن صقيران · #2 18-01-2005, 09:13 PM

إقتباس


	كاتب الرسالة الأصلية : سعود الدريبي احبائي رواد منتدى بني زيد .. هاانا اعود وكلي شوق اليكم .. وعذرا للانقطاع عنكم حيث كنت خارج البلاد ... وتقبلوا اعتذاري وهذه الهديه... هذا زمانن فيه كل الغرابات شاب الغراب وهد فرخ الحديا يا سامعٍ صوتي لك ازكى التحيات اطرب وخل الهم والنوح ليا ماهي غريبه يبكي الحي من مات مير الغرابه يبكي الحي حيا مر الندم ما هوب من فايتٍ فات مر الندم لا جيته ولا تهيا ما يجرحك كثر الهذر مير بسكات يجرحك زول ٍ ما نطق لك بشيا ويبرا صويب وقعت فيه طلقات ويموت من مز العسل بالشفيا والمعذره لو وقفت سبعة أبيات عيت تزود وقفت بي كذيا وتحياااتي للجميع..

حي ها العين
وكفو يا ولد عبيد

صح لسااااااااانك ياسناااااااااااااااااايدي ...
ويهبا اي والله يهبااااااااااااااا مير يشيب الغراب والا تهد الحديا !!!!! يهبا

لاعدمنا ها التواجد وها الاسم يا ابو احمد

لك التحية

سعد الحامد · #3 18-01-2005, 09:23 PM

صح لسااااااااان سعووووووود

صح لسانك والله

ولا تكثر الغيبات يابعدي

المسافر · #4 19-01-2005, 12:17 AM

سعود الدريبي

بالنسبة لي انا تكفيني هالسبعة ابيات

لما تحمل من روعة وعذوبة

كعادتك دائما

مبـــــــــــــــــــدع

صح السانك مليوووووووووووووون

تقبل احترامي وتقديري

اخيك

المسافر

سعود الدريبي · #5 20-01-2005, 12:53 AM

شعيل :
.
من العايدين ....
ان قلت ياخالي تنوخ لي عموم عتابه
وان قلت ياعمي بني زيد العظيمه مني
.............................. والله بيت ورحم الله عود عنزك ...
.
.
.
سعد الحامد :
.
كل عام وانت بخير ..
وابشر بسعدك اذا حضرنا
.
.
المسافر :
.
عيدك مبارك
ويرخص لك الغالي يا المسافر
.
وتحياتي

أميرة بني زيد · #6 21-01-2005, 08:27 PM

صح لسانك اخوي سعود

وليت القصيدة زادت عن السبع أبيات .. تسلم وننتظر جديدك :)

صافي النوايا · #7 24-01-2005, 07:44 PM

سعود الدريبي

ما يجرحك كثر الهذر مير بسكات=
يجرحك زول ٍ ما نطق لك بشيا
ويبرا صويب وقعت فيه طلقات =
ويموت من مز العسل بالشفيا
والمعذره لو وقفت سبعة أبيات=
عيت تزود وقفت بي كذيا

صـح الـسانـك يالدريبي.. وبـيض الله وجـهك علـى مانـثرت

قصيده رائعه وحضور جميل...ونحن في شوق لك ولي قصائدك

مـبــدع كمــا هـي عـــــــــادتك .. جــزله وشــاعرهــا جـــزل

تحيــــــــــاتى لك

سعود الدريبي · #8 03-02-2005, 05:33 AM

أميرة بني زيد
يشرفني مرورك ... في الموروث كلمه قصيده تعني سبعة ابيات فقط وما زاد يخرجها من كلمه قصيده ... والبيت الاخير قلت فيه بانها توقفت القصيده مكرهاا لا بطل ..
تقبلي تحياتي

سعود الدريبي · #9 03-02-2005, 05:36 AM

صافي النوايا
اللي يعجبك هو المبارك ... وتامر وابشر بالخير
وغالي والطلب رخيص ..
واسلم لاخيك

الصييفي · #10 06-02-2005, 10:54 AM

صح لسانك يا سعود،

بيوتك سبعة لكن كل

واحد عن عشرة.

لك كل تحية على مشاركاتك

المميزة.

وداعة الله

Abu_mshal · #11 06-02-2005, 11:51 AM

أشرقت الشمس وحلق طائر الحب في الجو وتمايلت
الاوراق وداعبت نسائم الشوق العميق وهمست
بأنغام رومانسية الايحاء لتكون أرق حب وأجمل إهداء
من ســعود الدريبي لأبناء عمة

ويبرا صويب وقعت فيه طلقات *** ويموت من مز العسل بالشفيا

أنا أشهد أنك ما كذبت يا سعود

والمعذره لو وقفت سبعة أبيات *** عيت تزود وقفت بي كذيا

حتى وأن كانت أبياتك قصيرة وتوقفت على سبعة أبيات
إلا نها تبقى كبيرة بمعانيها
ولد العم الغالي / سعود
مرحباً بك وبعودتك وكلنا في شوق إلى نزفك وإلى روائعك
كما أنت في شوق لنا
معذور يا الغالي وهديتك مقبولة لا عدمناك

أخوكم / أبو مشعل

سعود الدريبي · #12 15-02-2005, 10:37 PM

سند .
كلك ذوووووووق ومن حسن ذاتك
اسلم لاخيك

سعود الدريبي · #13 15-02-2005, 10:39 PM

ابو مشعل .
يكفيها فخراا مرورك واعجابك بها
..........
اسلم لاخيك

فتى داورد · #14 17-02-2005, 07:20 AM

ويبرا صويب وقعت فيه طلقات
ويموت من مز العسل بالشفيا

هذا الموووت ياولد العم

والمعذره لو وقفت سبعة أبيات
عيت تزود وقفت بي كذيا

معذوووووووووووووور والله انها عن معلقه

صح لساااااانك ولاهنت

تحياتي

ابوغيث

الهزلاج · #15 20-02-2005, 10:25 PM

عزالله سبعه لاراح سبعه ولاجاء سبعه.
سعودالدريبي ماهيب غريبه عليك الابداع والتميز .
صح لسانك ودام عزك ياغالي
الهزلاج

خيارات الموضوع
عرض نسخة للطّباعة ارسل هذه الصفحة لصديق
طريقة العرض
النمط الخطي التحويل إلى النمط الشجري التحويل إلى النمط المتطوّر