الـــفــــرقــــا

--------------------------------------------------------------------------------

بسم الله الرحمن الرحيم

رواد منتدى الكبير نظرا لقلة مشاركاتي اسمحولي بالمشاركة بقصيدة فات وقت نشرها....وهي قصيدة كتبتها أيام ما كنت بالجبيل
بعد اتصال من صديق لي اسمه نايف...سالني ماكتبت شي عن الفرقا قلت لا والله قال اكتب ... ومن بكرة كنت بالكلية وناظرت الطلاب وأشكالهم وجدت العجب..فبعضهم تجده في مشيته متعاليا كانه ابن ملك او شي وبعضهم يلبس لباس ما يلبسه الا المدعي عليه.....تذكرت الشعراء و أهلها ووجهت هالقصيدة المتواضعة لنايف:


يــــا نــــايــــف الــــفــــرقـــا لــــهــــا عــــــدة أشــــكـــــــال
ويـــا مــا أشـــيــــــن الــــفـــــرقـــا عـــلــــى طـــــول مـــــدة

يــقــــولـــه الـلــــي ذاق مــــــن وقتـــــتــــــه أهــــــــــــــوال
و مــــن كـــثــــر مــــا فــــي داخـــلــــه بــــــاح ســــــــــــدة

وان جــــا بــيــــشـــكــــي مــــا شــكـــــا مــــن ردا حـــــــال
والــحــمـــد لـلــــــي فـــــاق جـــــودة ومـــــــــــــــــــــــــــدة

أنـــا الــــــذي فــــــي دنــيـــتــــي صـــــــرت رحـــــــــــــال
مــــن يـــــوم مــــا حــــظــــي نــــوالـــــــي بـــصــــــــــدة

وجـــهـــــت شــــــرق وصــــــار لـــــي فــــيــــه مــنــــــزال
بـــيـــــت الـــــذي طــــيـــــبـــــه كــــمـــــا طـيـــب جـــــــده

بـــــيــــــت الـــــكـــــريـــــم مـــعـــــرب الــجـــد والــخـــــال
عــــــســــا الـــيـــــالـــــي لـــــــه ولاهـــيـــــب ضـــــــــده

أخــــــذت لــــــي ســـــجـــــة وأنـــــا دالــــــهٍ ســــــــــــــال
وأثـــــــر الـــــولـــــه لـــــــه داخــــــل الـــقـــلـــــــــب ردة

شــــــوقــــــي عـــلـــى شــــــوف الـــخـبــــاري والأقـــــذال
ونــــاس لـــــهـــــم فــــــي داخــــل الـــقــــلـــــــب عــــــدة

ســــقــــوى لــــيــــا مــــــن جـــيـــتـــــهــم والــمـطــر هـال
مــــن وادي الـــشـــــعــــرا لـــــوادي مــــــــــصــــــــــدة

يـــــاخــــذ ثـــــــلاث أيــــــــام والــــخــــيـــــر هــــطـــال
يــــســــقــــــي نــــخـــلـــنـــا و الــــشـــبـــارم و ســـــــدة

وشـــوقــــي لــــنـــــارٍ بــــالــــخــــلا تـــشـــعــــل شـعـــال
بـــمـــــربـــــعٍ مـــــا شـــــافــــــت الـــعــيـــــن حـــــــدة

فـــــي مـــجـــلـــــسٍ يــــاخــــذ ثــــمــــانـيــن رجــــــــال
عــــلــــى الــــنـــقـــــا نــبــنـــيــــه والا نــــــــهـــــــده

نــاخـــذ لـــنــــا مـــن دلـــة الـــكـــيــــــف فــــنـــجــــــال
و الـــضـــيــــف لــــه مـــــن بـــيـــنـــنــــا مـــا يـــــوده

هــــــذاك هــــــو مـــا يـــشــــرح الـــصـــدر والـــبـــــال
مـــــا هــــــو مــــقــــابــــل واحــــــدٍ مــــــا تـــــــــوده

ورعٍ يــــحــــســــب الــــمــــرجــــلــــة ثــوب وعــقــــال
و لا مـــن نــــشــــــدتـــــه يـــــدبـــــل الـــكـــبـــــد ردة

و لا مــــن مـــــشـــــا مـــــا تــحـــســبـــه غـــيـر تــمــثــال
كـــن مـــــا يـــــشــــــــوف أحــــــــدٍ مــن الــنـــاس قـده

و الا الـــــذي عــلــــــق عــــلـــى الــصـــدر ســلــســال
و يـــلــبـــــس هـــــدومٍ ضــــيــــقــــة مــــا تــــقـــــــدة

هـــــذاك ودك لا مــــشـــــا يـــلــــبـــــس جــــــــــلال
و الـــــى دخـــــــل عـــنـــــد الـــــريــــاجـــيــــــل رده

ويـــنــــه وويــــــن الـلــــي لـــــلأقــــوال فــــعـــــــال
حـــــرٍ يـــنــــومـــــس بـــالـــهـــــدد مـــن يـــــهـــــده

ابــــا اخــــتــــصــــر بــالــقــــــول يـــاطــيـــــب الـفــال
والا الـــبـــحـــر يــبــطــي و يــبـــطـــي بــــمــــــده

واقــــبـــل ســـلام مــعـــطــر انــــواع واشـــكــــــال
بــــــالــــــمــــســــك والـعــنــبــر وطـيـــبـــه ونــــده
:::::::::::::::::::::::::::::::::::::::::::::::::: :::::::::::::::::::: :::::::

وسلامتكم وسامحوني على القصور

خالد محمد المنصور

صح لسانك

ما منكـ قصور يابو منصور
جزلة
من جزل
بيض الله وجهكـ
ووجه نايف اللي خلاها تطلع منكـ


أخيكـ

تسلم وصح لسانك ياخالد

الله لا حرمنا من هالعطاء

ننتظر الجديد بفارغ الصبر

مخاوي خوية
:::::::::::::::::::

صح بدنك يالغالي

.................................................. ....................................

زيد روما
::::::::::::::::::

وجهك ابيض يالغالي

وشرفت القصيدة بمرورك العذب.
.................................................. ........................................

صافي النوايا
:::::::::::::::::::::

صح بدنك يالغالي ووجهك ابيض.

.................................................. ...........................................

براق نجد
::::::::::::::::::

سلمك الله وصح بدنك.

.................................................. .....................................

سعد الحامد
::::::::::::::::::::::

سلمك الله يالغالي وصح بدنك

وابشر بما اقدر عليه انشاء الله

:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: :::::::::::::::::::::::

الغالي خالد المنصور


صح لسااانك وبيض الله وجهك


ابيات جزله من راساً جزل

لاهنت والله وليتك تسلم دوم بهالابداع والحضور الجميل والمشرق

تقبل تحيات اخوك

الهبوب

صح لسانك

واقول ياشين الفراق اللي مابعده لقاء

قصيدة رائعه
صح لسانك
وننتظر المزيد

صح لسانك