أبو نشقه وابن جدعان.! a

آخر المشاركات المطروحة في منتديات قبيلة بني زيد

  هل تريد أجر تلاوة القرآن آناء الليل والنهار وأنت مرتاح في مكانك (صورة) ( آخر مشاركة : ساكتون    |    أدخل في 12 مشروع من مشاريع السقيا بأسهل وأسرع طريقة (صورة) ( آخر مشاركة : الجنرال    |    أسهل طريقة لكي لاتفوتك صدقة عشر ذي الحجة خير أيام الدنيا (صورة) ( آخر مشاركة : ساكتون    |    أوقف برادة عنك أو عن والديك أو عن متوفى أنقطع عمله لتكون له صدقة جارية لاتنقطع (صورة) ( آخر مشاركة : ساكتون    |    وقف رسمي بمكة المكرمة داخل حدود الحرم حيث الحسنة بمائة ألف حسنة (صور ( آخر مشاركة : ساكتون    |    أرخص كفالة حجاج في السعودية لعام 1440هـ (صورة) ( آخر مشاركة : ساكتون    |    لمن يشتكي من ازعاج من رسائل المسابقات ( 7000 ) ( آخر مشاركة : خالدالراجحي    |    موبايلي ايقاف مبيعات باقة الانترنت اللامحدود ( آخر مشاركة : خالدالراجحي    |    ماهي الأسباب المؤديه لبعض الأعضاء ترك منتدياتهم ؟!!! ( آخر مشاركة : ربيع الحق    |    أضِـف بصّـمَـتُـك اليَـوّمِـيّـة ( آخر مشاركة : سعود الصبي    |   


العودة   منتديات قبيلة بني زيد > القسم الادبي > الــفصــيح والـفـرائـد الأدبـيـة
التّسجيل   جعل جميع المنتديات مقروءة

أبو نشقه وابن جدعان.!

المشاركة في الموضوع
 
خيارات الموضوع طريقة العرض
  #1  
قديم 18-12-2010, 09:34 PM
الصورة الرمزية لـ الرمال الذهبيه
الرمال الذهبيه الرمال الذهبيه is offline
عضو نشيط جداً
 





الرمال الذهبيه is on a distinguished road
 
أبو نشقه وابن جدعان.!

 

ذيك الأيام الواحد نشيطَِ وقوي والحمد لله الاوجاع قليلة, واذا طاح الواحد دهنوه ومطرسوه من ذا الفازلين وتفلوا عليه وقراية لين يطيب وبعضهم يتسويه, المهم ما نعرف"الصحية"الا نادر, في ايام الشتاء تجينا الهبايب والبروق والرعود وكلن في بيته شاب النار يسمي ويهلل, ما يخالف علينا شيء وبيوتنا نخاف تطيح بس سيسانها تتحمل.
فيه واحد يسمونه ابن جدعان - يقولون كان يجي من الدرعية على رجوله, ما نشوفه راكب تكسي, ويسمون التكسي(ابو ربع)بعضهم يزعل منها, لان التوصيله بربع ريال, مهوب زي الحين يفتح العداد بخمسه ريال والبنزين رخيص, ابن جدعان واصل وحكيم ونشيط, واذا شفاه وصل للحارة نعرف انه جاي من الدرعية ناسف بشته على كتفه, اما انه مارن الشيوخ والا شي عنده, حتى الشيبان اللي جالسين فالمشراق يقومون يسلمون عليه, ابن جدعان من اهل الدرعية وتحس في وجهه نور وتاريخ اهلها, يجي يسير على بنته, (اخت رجال) كلن يستشيرها ويحب يسير عليها, يتطارون بالحتسي انها ماخذه كرم من الطائي, مثل ابوها.
همانا في ذا السكّة السّد- من نصبح وكلن يجتلد اما رايح مع ابوه للدكان والا يتقضى من المقيبرة, نخلص اللي يبونه اهلنا, واذا قضينا نجي ونلعب مع بعض, الحين الله يستر لو يثور مدفع ماقام احد خاصة اذا صارت العطلة, حَمَيِد حقنه وغثيث و(دب)قبله ينشق ويمش خشمه بطرف ثوبه الله يحوم تسبده), ودايم تتشكي ام عزيز انه يطل عليهم ويرجم بقرتهم ويطير حمامهم(الحساوي), وابوه يجلده بس ما يتوب عقبها طاح من الجدار وانكسرت رجله.
وجبره ابن جدعان حط حلبه وخلطه ما اعرفها وخشبتين من سحارة بردقان ولفوها بخشاشة امه القديمة.
ابو نشقه ما يهجع الا موذي نفسه وقبله حافي ورجلينه مشق وتصب دم, عجزت امه كل يوم تفرك رجليه بالفازلين بس هو يتحايل عليها ويطلع حافي ولا يوقف الا تحت المرازيم.
ذا الولد شاقً بالحارة, حتى يومن نجح قال لابوه ابي نجاحتي(ضّب)وجابه له من سوق الديرة, وربطه فالسطح ويمن نادانا نشوفه الا (ضّبه)منحاش وجلسنا ندوره ما لقيناه, اثره صاقط في ماسورة المرزام ولا احدا درا عنه, دارت الدواير, ويمن جاهم ضيوف قلطوهم فالروشن والا وذا الضّب الكبير مبطج, وينادون ابو حميد تعال يابن الحلال شف وشذا. من شهرين يدورونه مالقوه ويلقطه ذا الدب ابو نشقه بعكرته ويطلع به للحارة, قبل ما يسمون ويتغدون عليه.
نجاحتنا اول يا عناق وش حليلها والا عكوس والا مصاقيل والا ضّب زي حميد ابو نشقه, واذا صاروا اهله عند الشيوخ جابوا له سيكل, مو زي ذا الوقت ابوالهوايل اذا نجح الواحد جابوا له(اي بود والا سوني والا اكس بكس), وكل يوم شاري اشرطة وخذّ يا دفع فلوس, وتشتيت عقل وفالنهاية يطلع عميان الله يستر.

 

الرد مع إقتباس
  #2  
قديم 20-12-2010, 06:49 AM
الصورة الرمزية لـ سعد الحامد
سعد الحامد سعد الحامد is offline
ابو عبدالرحمن
 






سعد الحامد is a jewel in the roughسعد الحامد is a jewel in the roughسعد الحامد is a jewel in the rough
 

 

شكلها من سواليف الشرهان

الله يعطيك العافيه الرمال الذهبية

 

الرد مع إقتباس
  #3  
قديم 22-12-2010, 04:41 PM
الصورة الرمزية لـ ولد القويعيه
ولد القويعيه ولد القويعيه is offline
عضو نشيط
 





ولد القويعيه is an unknown quantity at this point
 

 

الرمال

مشكور علا الموضوع

تقبل مروري

 

الرد مع إقتباس
  #4  
قديم 22-12-2010, 05:00 PM
الصورة الرمزية لـ دنيا القصيد
دنيا القصيد دنيا القصيد is offline
عضو مشارك
 





دنيا القصيد is an unknown quantity at this point
 

 

يعطيك العافية

دمتِ بكل خير

 


::: التوقيع :::

نحسب حساب انٌا نزاور عزا الناس
ولاحـــســـبــنـا يــوم لـحــظــة عـــزانـا

يالله في توبه بــهــا الصدق نــبـراس
تـــرفـــع معالــمــها رقـــي مــســتـــوانــا


 
الرد مع إقتباس
المشاركة في الموضوع


خيارات الموضوع
طريقة العرض

قوانين المشاركة
لا بإمكانك إضافة موضوع جديد
لا بإمكانك إضافة مشاركات جديدة
لا بإمكانك إضافة مرفقات
لا بإمكانك تعديل مشاركاتك

كود [IMG] متاح
كود HTML غير متاح
Trackbacks are غير متاح
Pingbacks are غير متاح
Refbacks are غير متاح

 
جميع الأوقات بتوقيت السعودية. الساعة الآن » [ 05:28 PM ] .


Powered by vBulletin Version 3.6.4
Copyright ©2000 - 2019, Jelsoft Enterprises Ltd.
SEO by vBSEO 3.1.0 ©2007, Crawlability, Inc.
حقوق كل مايعرض في هذا المنتدى محفوظة لمنتدى بني زيد
www