مواقف محرجة في الشوفة الشرعية a

آخر المشاركات المطروحة في منتديات قبيلة بني زيد

  وسّع لصدرك مدامك حي = العمر ياصاحبي مره ( آخر مشاركة : مطول الغيبات    |    مجانا اشترك لتصلك المشاريع الخيرية الرسمية الى جوالك يومياً (صورة) ( آخر مشاركة : ساكتون    |    اكفل يتيم مدى الحياة (صورة) ( آخر مشاركة : جبرين بن سعد الجبرين    |    بعض الطرق بالمذاكرة ( آخر مشاركة : نجم الصحراء    |    إجعل لك سبع سنابل ولوالديك ولكل من يعز عليك (صورة) ( آخر مشاركة : ساكتون    |    أسهل وأرخص طريقة ليكون لك صدقة كل يوم في مكة داخل حدود الحرم وانت مرتاح مكانك (صورة) ( آخر مشاركة : ساكتون    |    ب 50 ريال فقط سيكون لك أجر مليون شخص فرصة نادرة لاتعوض (صورة) ( آخر مشاركة : ساكتون    |    هل تريد أن يكون لك سقيا صدقة جارية كل يوم حتى وأنت نائم أجرك مستمر لايتوقف (صورة) ( آخر مشاركة : ساكتون    |    هل تريد أجر القائم المصلي لايفتر وأجر الصائم الذي لايفطر بإذن الله ( صورة) ( آخر مشاركة : ساكتون    |    المولودة ماجدة تنظم لأخواتها ليكونن تسعاً ( آخر مشاركة : طالب علم    |   


العودة   منتديات قبيلة بني زيد > الأقسام الشرعية والأقسام العامة > الـقـسم الـعـام
التّسجيل   جعل جميع المنتديات مقروءة

مواقف محرجة في الشوفة الشرعية

المشاركة في الموضوع
 
خيارات الموضوع طريقة العرض
  #1  
قديم 30-11-2010, 10:07 PM
الصورة الرمزية لـ ماهر البواردي
ماهر البواردي ماهر البواردي is offline
عضو دائم
 





ماهر البواردي will become famous soon enough
 
مواقف محرجة في الشوفة الشرعية

 

بسم الله الرحمن الرحيم



الترويح عن النفس مهم من اجل التجديد ، اذا كان الترويح لا يكون في المحظورات او الممنوعات. لذا طاب لي اخوتي الكرام واخواتي الفاضلات كتابة هذا الموضوع . فيه ترويح وفيه ضحك وفيه سعة صدر وفيه نتعلم خبرة ونتهيأ للمستقبل.

اكيد الكثير منكم سمع عن مواقف محرجة في الشوفة الشرعية ولعل السرد الصوتي يجملها ولكن الكتابة تؤدي الغرض. نبدأ:


هناك شخص تقدم لعائلة وتم الموافقات جميعها والسؤال وبقي فقط الشوفة الشرعية ، فطلب منه والد الفتاة ان يأتي بعد صلاة الظهر. وكان الوالد قد اتى من المسجد وبطريقة استوقف لشراء بعض اغراض البيت من البقالة وادخل سيارته في البايكة. وانتظر بالمجلس. وجا العريس المنتظر ودخل المجلس وهو متهيأ للشوفة وهو بكامل اناقته. وقام الاب وفتح الطاقة اللي على الحوش وقال له عاينها بتمر من قدامك هنا.

وذهب الاب الى ابنته وكانت بالمطبخ تساعد امها واعطاها مفتاح السيارة لتحضر الاغراض لامها. ورجع للمجلس. وهنا ................... وقعت الفاجعه على الاب

البنت كان بيدها صينية ( طوفرية ) بيالات دائرية. ولما استلمت المفتاح من ابوها قامت تتخيل نفسها راكبة يوكون. ومسكت الصينية وشغلت السيارة وهي تزمجر بصوتها وكانها تشغل السيارة ونطلقت مسرعة من الباب الخلفي للمطبخ باتجاه السيارة وهي تحن حن وكانها تعشيقة سيارة وداخلة جو ولما وصلت سيارة ابوها سحبت جلنط ( وصوتها يصرصر بقوة مثل الكفرات وقت التفحيط) وحملت الاغراض ورجعت للمطبخ مثلما راحت.

الولد غشي عليه من الضحك الاب انعقد لسانه من الاحراج. ورجع الولد لامه قال ما ابي زوجة غيرها ابدا ابدا ابدا منيب لاقي اخف دم من هالبنت وتزوجها.


القصة الثانية من الربكة قال لها وهي جالسه وابوها فيه يعني يبي يصير انه كوووول وثقة بالنفس عفوا تراي ماعرفت اسمك ابوك يالدلاخه والثقة بالنفس .

اترك الباقي لكم ،


ابو خالد

 

الرد مع إقتباس
  #2  
قديم 30-11-2010, 10:12 PM
الصورة الرمزية لـ الدنيا ياخلي مدرسة
الدنيا ياخلي مدرسة الدنيا ياخلي مدرسة is offline
عضو دائم
 





الدنيا ياخلي مدرسة is on a distinguished road
 

 

واااااااااي....ام الفشيله....
الله يستتر بس..

مشكوور اخوووي ع الموضوووع...

 


::: التوقيع :::

••ماأغار لما أشوف اللي أحبه مع أحد ثانيے لأن أمي گانت دايما تعلمنيے أعطيے ألعابيے للناس المحتاجه••


 
الرد مع إقتباس
  #3  
قديم 30-11-2010, 11:50 PM
الصورة الرمزية لـ ماهر البواردي
ماهر البواردي ماهر البواردي is offline
عضو دائم
 





ماهر البواردي will become famous soon enough
 

 

وردني قبل قليل اتصال من صديق لي قرأ الموضوع وحكي لي قصته.


يقول ضارب مشوار 500 كم علشان يكون بديرة اهل البنت ، المهم ما اطول عليكم قلطه بالحوش الجو زين . وفي آخر البيت على مسافة 20 متر مرت البنت من بعيد لمدة ثلاث ثواني يقول وربي ما شفت الا زول ، شوي الا واختها ام سبع سنين جايتنا وقال له ابوها هذه نسخة منها اذا بغيت تشوف الوجه. الرجال كمل قهوته ورجع على طول 1000 كم . طبعا ما تم الزواج.

 

الرد مع إقتباس
  #4  
قديم 01-12-2010, 01:35 AM
الصورة الرمزية لـ ريح المطر
ريح المطر ريح المطر is offline
عضو ذهبي
 





ريح المطر will become famous soon enoughريح المطر will become famous soon enough
 

 

عفوا تراي ماعرفت اسمك ابوك يالدلاخه والثقة بالنفس


 


::: التوقيع :::

أستغفر الله العظيم وأتوب اليه


 
الرد مع إقتباس
  #5  
قديم 01-12-2010, 02:03 AM
الصورة الرمزية لـ موج الغلا
موج الغلا موج الغلا is offline
عضو مجلس الإدارة
 






موج الغلا is a glorious beacon of lightموج الغلا is a glorious beacon of lightموج الغلا is a glorious beacon of lightموج الغلا is a glorious beacon of lightموج الغلا is a glorious beacon of light
 

 



ياملحها تجنن .. وانا اقرا اول السالفه حسيت انه يقول مابي الا هي

اذكر قريت مرة مواقف كثير بس نسيت اغلبها

بس اذكر موقف

وحده تقول كنت احط حنا على شعري واتفنن بذلك على هامتي وكنت لابسة ثوب بالي وقديم

وفجأة والا اوبي يقول بسرعة تعالي فيه حرمة بالمجلس وامك مهيب فيه تعالي عندها

قلت اروح وراسي حنا .. قال مايخالف هي كبيرة بالسن

وكانوا اخواني الصغار يقولون يالله بسرعة الحرمة بالحالها لا تحرجينا

تقول الله الهمني اسحب ايشارب صغير كان عندي لاني استحيت من شكل الحنا فوق راسي ورحت المجلس يوم دخلت لقيت شابا انيقا وابوي يسرع ويجلس جنبه..
تجمدت بمكاني وامرني ابوي بالجلوس فجلست وانا عارفة انه زواج ماراح يتم كيف يتم وهذي الروائح تفوح مني وراسي يرتفع 5 سم ولبسي كنه لبس شحاذيين ..
بعد تقول انا تجمدت مشاعري والشاب يسال ويسولف ويضحك وانا مصدومة وصامته لا ارى لا اسمع لا اتكلم ويوم طلعت اعلن الموافقه على الزواج مني .
وبعدين عرفت انه خطب الكثير قبلي ولم يعجبنه برغم جمالهن واناقتهن .. سبحان الله اعجبته انا بالحنا


لي عودة ان ذكرت

ماهر البواردي .. الله يعطيك العافية

 


::: التوقيع :::

رحم الله جسداً تحت الثرى لم يفارقني الحنين اليه
الله يرحمك يا ( ابوي ) ويغفر لك ويسكنك فسيح جناتة


 
الرد مع إقتباس
  #6  
قديم 01-12-2010, 09:41 AM
الصورة الرمزية لـ سعد الحامد
سعد الحامد سعد الحامد is offline
ابو عبدالرحمن
 






سعد الحامد is a jewel in the roughسعد الحامد is a jewel in the roughسعد الحامد is a jewel in the rough
 

 

الله على ذيك الايام الخوالي

كان لي صديق كالأخ ، وكبري في العمر تقريباً وزميل دراسة من المتوسط ، خطب وواعدوه للرؤية وكانوا هم خارج الرياض ، وقال لي تعال معي واذا قربنا من بيتهم نزلتك عند اي مكان لين اروح اشوف وارجع ، رفضت واصر علي عشان الخط والرجال مختبص

رحنا وقبل بيتهم نزلني عن سوبر ماركت وراح ، جلست انتظره تقريباً ساعه وجاني ووجهه اصفر وركبت معه والا ثوبه كله احمر ، قلت له سلامات وش فيه

عاد صاحبي جداً حياوي ، قال لي انه جلس وجته البنت وجابت معها عصير فراولة ، وجلست بجنب ابوها بس قريبه من صاحبنا مابينهم الا طاولة صغيره ، فيقول لي يوم جلست قال لي ابوها وراك ياعبدالرحمن مستحي ارفع راسك ، يقول رفعت يدي باقول له لا والله ياعم مااستحيت وفي طريقه خبط كاس الفراوله بيده ، والبنت حطت راسها ورى ظهر ابوها والابو قعد يضحك وخويي يقول خنقتني العبره

المهم الرجال تزوجها وعندهم الحين ولدين وبنت

 

الرد مع إقتباس
  #7  
قديم 01-12-2010, 10:15 AM
الصورة الرمزية لـ ماهر البواردي
ماهر البواردي ماهر البواردي is offline
عضو دائم
 





ماهر البواردي will become famous soon enough
 

 

موج الغلا



من جد جالس اتخيل الموقف وميت ضحك ، بس تبين الصدق هذا الصح. نشوف بعض على سجيتنا.

دعائي اللهم استر على بناتنا بالزواج


ابو عبدالرحمن
طبعا انت اكيد استلمته لمدة سنة ، بس شف الموقف وش زينه كلن ضحك وتفتحت القلوب وسكن الحب. الله يتمم عليهم يارب ويوفقهم.

اللهم استر على بناتنا بالزواج


بناتنا وشبابنا اللي ما بعد الله كتب لكم نصيب ، تعلموا المعاناه مقدما.




ابوخالد

 

الرد مع إقتباس
  #8  
قديم 02-12-2010, 06:09 PM
الصورة الرمزية لـ عزف الصمود
عزف الصمود عزف الصمود is offline
عضو دائم
 





عزف الصمود is an unknown quantity at this point
 

 

هههههههههههههههههههههههههههه
اما ام حناء شي صراحه ضحححك

والفرااولة هههههههههههههههه
خخخخ

 


::: التوقيع :::



 
الرد مع إقتباس
  #9  
قديم 02-12-2010, 08:19 PM
الصورة الرمزية لـ زكي بن سعد أبومعطي
زكي بن سعد أبومعطي زكي بن سعد أبومعطي is offline
فتى بني زيد
:: الإدارة ::
 






زكي بن سعد أبومعطي has a spectacular aura aboutزكي بن سعد أبومعطي has a spectacular aura about
 

 

موضوع طريف جداً أخي ماهر ومواقف طريفة من الأخوة والأخوات بارك الله فيكم جميعاً

صديق لي أهله واعدوا أهل البنت للخطبة ( وليس للملكة ) وأهل البنت تجهزوا وحصل أن الولد صار له حادث بنفس اليوم وكان الخطأ عليه والحادث مع سيارة ليموزين يعني علشان ينهي الأمور لازم يجي مندوب الشركة وذيك الأيام مافيه تأمين ولا شي فأقفوه في الايقاف يوم كامل حتى أبوه يجيب كفالة لخروجه ، فذهبت أمه مسكينة للموعد وهي محرجة وقالت ولدي موقوف وبيطلع بكره ان شاء الله وكان الموقف محرج خصوصا أنهم أول مره يلتقون وبدايتها : موقوف في سجن مرور

صديق لي فيه خفة دم وصاحب تقليب بالكلام حضرنا جلسة معه وكان المجلس فيه عدد من الأصدقاء وجا طاري مواقف الزواج في المجلس فقال لنا : تصدقون أن أمس رحت اخطب ولقيت فيه خطيب بدلاً مني ، اندهشنا واللي قال غير معقول هالكلام واللي راح يسأله كيف صار هالموقف وكيف يواعدونك ويجيبون واحد يخطب غيرك ، وفي نهاية الجلسة قال : يا جماعة تراها خطبة جمعة وليست خطبة للزواج

بارك الله فيكم

 


::: التوقيع :::

منقــطع مــؤقــــتاً عــن الدخــول للمنتـــدى


 
الرد مع إقتباس
  #10  
قديم 03-12-2010, 12:51 AM
الصورة الرمزية لـ قائدة الغــزلان
قائدة الغــزلان قائدة الغــزلان is offline
عضو دائم
 





قائدة الغــزلان is an unknown quantity at this point
 

 

صديق لي فيه خفة دم وصاحب تقليب بالكلام حضرنا جلسة معه وكان المجلس فيه عدد من الأصدقاء وجا طاري مواقف الزواج في المجلس فقال لنا : تصدقون أن أمس رحت اخطب ولقيت فيه خطيب بدلاً مني ، اندهشنا واللي قال غير معقول هالكلام واللي راح يسأله كيف صار هالموقف وكيف يواعدونك ويجيبون واحد يخطب غيرك ، وفي نهاية الجلسة قال : يا جماعة تراها خطبة جمعة وليست خطبة للزواج

بارك الله فيكم


بصراحه كلها مواقف تفطس ضحك
اما ابوعصيراللي انكب عليه هذامفهههههي
مشكورابوخالد موضوع تقبل تحياتي

 


::: التوقيع :::

عزوة بني زيد ياللي جاهل ٍ فيها ** إنشد وأنا أنبيك عنها بأول وتالي
يوم القبايل ترد حقوق عـانيها ** عاني بني زيد مايوخذ له إريالي
ويشهد لها بالكرم والجود لافيها ** ربعي وأنا أدرى بهم والحق ينقالي
بني زيـــــــــــــد


 
الرد مع إقتباس
  #11  
قديم 03-12-2010, 01:11 AM
الصورة الرمزية لـ ماهر البواردي
ماهر البواردي ماهر البواردي is offline
عضو دائم
 





ماهر البواردي will become famous soon enough
 

 

الموضوع انتم ابطاله بكتابة المواقف لخلق الموضوع، انا متاكد بتجينا قصص زود.


الله لا يخلينا منكم

 

الرد مع إقتباس
  #12  
قديم 03-12-2010, 11:22 AM
ابو ريما ابو ريما is offline
كاتب متميز
 





ابو ريما is on a distinguished roadابو ريما is on a distinguished road
 

 

الصراحة..قصص رائعة..
وقرأت قصة لاحدى الفتيات تقول انها يوم الشوفة الشرعية دخلت المجلس وكان فيه ابوها وشقيقها والعريس..
وكانت متعودة على تقبيل راس ابيها كلما دخلت مكانا فيه ابيها..وعندما دخلت كانت مرتبكة!!! ومن الربكة والاحراج اتجهت الى العريس وقبلت رأسه..تخيلوا الموقف!!
ابو ريما... الدوادمي

 

الرد مع إقتباس
  #13  
قديم 03-12-2010, 12:38 PM
الصورة الرمزية لـ الورده الخجوله
الورده الخجوله الورده الخجوله is offline
عضو متميز
 





الورده الخجوله will become famous soon enough
 

 

إقتباس
المشاركة الأصلية بواسطة ابو ريما
الصراحة..قصص رائعة..
وقرأت قصة لاحدى الفتيات تقول انها يوم الشوفة الشرعية دخلت المجلس وكان فيه ابوها وشقيقها والعريس..
وكانت متعودة على تقبيل راس ابيها كلما دخلت مكانا فيه ابيها..وعندما دخلت كانت مرتبكة!!! ومن الربكة والاحراج اتجهت الى العريس وقبلت رأسه..تخيلوا الموقف!!
ابو ريما... الدوادمي


ياعمري عليها رحمتها

مسكينه مررآآآ موقفها محرررج

 


::: التوقيع :::

[في يوم من الايام ..!
قرر جميع أهل القريه أن يصلوا صلاة الاستسقاء
تجمعوا للصلاة وكان أحدهم يحمل مظلة !!
تــــلك هــــي .... « الثــقة بموعود الله »
..الشيخ صالح المغامسي ..


 
الرد مع إقتباس
  #14  
قديم 03-12-2010, 12:46 PM
هجاس هجاس is offline
عضو مشارك
 





هجاس is an unknown quantity at this point
 

 

قصص طريفه جداا , اعجبتني كثيرا قصة عصير الفراولة ..

شكرا على الموضوع الطريف

 

الرد مع إقتباس
  #15  
قديم 03-12-2010, 08:02 PM
الصورة الرمزية لـ ماهر البواردي
ماهر البواردي ماهر البواردي is offline
عضو دائم
 





ماهر البواردي will become famous soon enough
 

 

سؤال من باب الاضافة ، شرعا الرجل له الشوفة الشرعية وان يرى وجهها وشعرها وطرف رجلها. المهم . اذا هو اصلع مهوب من حقها تدري ؟

سبب اثارتي الموضوع انها قصت حصلت لاحدهم بعد الشوفة والملكة . تكلموا بالتلفون وقال لها انا اصلع وارسل صورته. وعافته وتطلقوا قبل الدخله ( العروس سبق لها الزواج عدة مرات والزوج كان مطلق)

 

الرد مع إقتباس
المشاركة في الموضوع


خيارات الموضوع
طريقة العرض

قوانين المشاركة
لا بإمكانك إضافة موضوع جديد
لا بإمكانك إضافة مشاركات جديدة
لا بإمكانك إضافة مرفقات
لا بإمكانك تعديل مشاركاتك

كود [IMG] متاح
كود HTML غير متاح
Trackbacks are غير متاح
Pingbacks are غير متاح
Refbacks are غير متاح

 
جميع الأوقات بتوقيت السعودية. الساعة الآن » [ 05:43 AM ] .


Powered by vBulletin Version 3.6.4
Copyright ©2000 - 2019, Jelsoft Enterprises Ltd.
SEO by vBSEO 3.1.0 ©2007, Crawlability, Inc.
حقوق كل مايعرض في هذا المنتدى محفوظة لمنتدى بني زيد
www