في مرتـع الريم شـفت اليـوم ريـمـيه a

آخر المشاركات المطروحة في منتديات قبيلة بني زيد

  اكفل يتيم مدى الحياة (صورة) ( آخر مشاركة : جبرين بن سعد الجبرين    |    بعض الطرق بالمذاكرة ( آخر مشاركة : نجم الصحراء    |    إجعل لك سبع سنابل ولوالديك ولكل من يعز عليك (صورة) ( آخر مشاركة : ساكتون    |    أسهل وأرخص طريقة ليكون لك صدقة كل يوم في مكة داخل حدود الحرم وانت مرتاح مكانك (صورة) ( آخر مشاركة : ساكتون    |    ب 50 ريال فقط سيكون لك أجر مليون شخص فرصة نادرة لاتعوض (صورة) ( آخر مشاركة : ساكتون    |    هل تريد أن يكون لك سقيا صدقة جارية كل يوم حتى وأنت نائم أجرك مستمر لايتوقف (صورة) ( آخر مشاركة : ساكتون    |    هل تريد أجر القائم المصلي لايفتر وأجر الصائم الذي لايفطر بإذن الله ( صورة) ( آخر مشاركة : ساكتون    |    المولودة ماجدة تنظم لأخواتها ليكونن تسعاً ( آخر مشاركة : طالب علم    |    هل تريد أجر تلاوة القرآن آناء الليل والنهار وأنت مرتاح في مكانك (صورة) ( آخر مشاركة : ساكتون    |    أدخل في 12 مشروع من مشاريع السقيا بأسهل وأسرع طريقة (صورة) ( آخر مشاركة : الجنرال    |   


العودة   منتديات قبيلة بني زيد > القسم الادبي > الـشـعـر الـنـبـطـي
التّسجيل   جعل جميع المنتديات مقروءة

في مرتـع الريم شـفت اليـوم ريـمـيه

المشاركة في الموضوع
 
خيارات الموضوع طريقة العرض
  #1  
قديم 25-12-2004, 07:59 PM
الهبوب الهبوب is offline
عضو مشارك
 





الهبوب is an unknown quantity at this point
 
في مرتـع الريم شـفت اليـوم ريـمـيه

 

ابيات لاتعدو كونها منظر سرعان ماتحول الى هواجيس

لاتفارق البال !!!

فأرجو قبولها كيفما جاءت



من فـضـل ربي عـلينا اليوم هـمّـالي= والغـرب به لايحـاً بـّراق وسميه
في وسط روضـاً خـضر باقصى الخلا الخالـي=في مرتع الريم شـفـت اليوم ريـمـيه
سبحان منهو خلـقـها ربي الوالي=تاطا عـلى الهون بالروحات والجيه
الحور من مشـيها زار البلا بـالي=والله كريماً عـليماً يعـلم النيه
شـفت الشعـر والهدب والعـين وجلالي=والثوب يلعـب الى هـبـت جـنوبـيـه
بـيـني وبـيـنه مفيض القاع قد سالي=ماظن أوصاف زينه وصـف انـسيـه!!
سـحبت اقدام رجلي خوف تـهـتالي=لاجـبت خطوه نظرت بطـْرْف وشويـه
يوم استدرت وزمالي مرقباً عـالي=ماكر حـرَار السما ماجاه وكريـه
رحت ورقيـت وزعـجت الصـوت بـلحالـي=واطرد بـشـوفي مدا من جور مافـيـّه
بالله ياللي تضيـم الشاص باحـمـالي=ياراعـي الجيـب روحـي حيـل مبـليـه
وصل وصـاتي امانـه كـان ترفـالي=لهـل الحمايه وجـب عـشرين دوريـه
تـكـفى وعـجّل عـلى المطلوب يالغـالي=هذا غـزالاً طلع من وسط محـمـيه
عـلمي صحـيحـاً لها ويمكن يورالي!=مار الوكاد انها بالعـين عـفريـــه00


تقبلوا تحيات اخوكم الهبوب ( فيصل )

 


::: التوقيع :::

مافي البسيطه مثل سطوة غـرامك
@@ استغفر الله كود سطوة بني زيد


 
الرد مع إقتباس
  #2  
قديم 25-12-2004, 08:14 PM
زيـد رومـا زيـد رومـا is offline
عبدالكريم المهنا ( كاتب وشاعر سعودي)
 





زيـد رومـا is on a distinguished road
 

 

الهبووووب


هذي مهيب قصيدة يابعدي
هذي مجنوووووونة
مجنووووووووونة



خلها
خلها محلها لاتحركهااااا



أبا أرجع لها إن شاء الله وأتفاهم معها




ياااااااااااااازينهاااااااااااااااا
وربي
إنها مثل العروسة
لابستٍ فستانها
ومسرحةٍ شعرها
فتنتنا فيها يوم ظهرت علينا
الله يفتن عدوكـ


بس خلها
أبا أرجع لها إن شاء الله


أخيكـ

 

الرد مع إقتباس
  #3  
قديم 25-12-2004, 08:20 PM
الصورة الرمزية لـ محمد بن صقيران
محمد بن صقيران محمد بن صقيران is offline
شاعر بني زيد
 





محمد بن صقيران is on a distinguished road
 

 

علمـي صحيحـاً لهـا ويمكـن يورالـي!
............................مـار الوكـاد انهـا بالعيـن عفـريـه00


هنيَّا دق منسابك

ولا جبت الا الصحيح وانا اشهد

شاعر

ولا علي من الحكي

صح لساااااااانك يا فيصل ......!!!

قصيدة لا يكتبها الا فحل وليس كل من يكتب يقنعك بما يكتب

ولكنك تقنعني بكل طرحك

فدم سالما

ولك التحية

 


::: التوقيع :::

[img][/img]
قصر واسط


 
الرد مع إقتباس
  #4  
قديم 25-12-2004, 09:45 PM
الصورة الرمزية لـ كريم سبلا
كريم سبلا كريم سبلا is offline
شـاعـر
 






كريم سبلا is an unknown quantity at this point
 

 

الهبوووووووووووووووووب

انا اشهد انك وفيت وكفيت ... وبيض الله وجهك على هالفاتنه

قصيده ما يجيبها الا هبووووووبهاااااااااااااا


عن اذنك ابا ارقى فوق اعيد القراءة ....

 

الرد مع إقتباس
  #5  
قديم 25-12-2004, 10:14 PM
الصورة الرمزية لـ عميد بني زيد
عميد بني زيد عميد بني زيد is offline
مشرف سابق
 





عميد بني زيد is an unknown quantity at this point
 

 

في هذه الصفحة
وبين هذه الحروف والكلمات
أقف حائر
كيف لي أن أسطر بوحي واعجابي في هذه الرائعه

سلمت أناملك اخي الهبوب على ماكتبته لنا من الابداع

فما أجمل هذا البوح وما أجمل الكلمات المنتقاة

دمت لنا ودام فيض قلمك والله يعطيك العافيه

 

الرد مع إقتباس
  #6  
قديم 26-12-2004, 02:24 PM
زيـد رومـا زيـد رومـا is offline
عبدالكريم المهنا ( كاتب وشاعر سعودي)
 





زيـد رومـا is on a distinguished road
 

 

من فضـــل ربــــي علينـا اليــــوم همّــالـي
والغـــــــــرب بـه لايحـــــاً بّــراق وسمـيـــه

( يازين القصيدة إذا بدت بالإعتراف بفضل الله...
وياحلو مالاح لك من جهة الغرب يافيصل...
)




في وسط روضاً خضــر باقصى الخلا الخالي
في مــــرتـع الـــــريـم شفـت اليـوم ريميـه

( بأقصى الخلاء الخاااالي....يسلم فكرٍ وداكـ للخلاء الخالي , وأحلى مابالقصيد إنه يوديكـ للمكان اللي تبي وأنت في محلكـ
ويازين ماشفت يالهبوب في هالخلاء الخالي...
)




سبحـان منهــــو خلقهـــا ربـــي الــــوالـي
تاطــا علـــى الهــــون بالـــروحـات والجيـه

( هذا البلاء...!!
تاطا على الهون...؟!
أنا ما أدري وش اللي يلفت إنتباهنا لوطيت _ الريم _...؟! لكن ما أقول إلا سبحان من يعلق القلوب...
)




الحـــــــور مـن مشيهـــا زار البـلا بـالــــي
والله كـــريـمـــــاً عليـمــــاً يعـلـــــم النـيـه

( إن شاء الله نيتكـ يالهبوب طيبة...)




شفت الشعــــر والهـدب والعيـن وجلالـي
والثـــوب يلعــــب الــــى هـبـت جنــوبـيـه

( الشعــر...
والهـدب...
والعين...
وجلالي...
الله وأكبر
بعض الناس يمكن يقول الجلال وش يشدكـ فيه...؟!!
ما يدري إن ريحته يدوخ منها الراس...!!
آه يالهبوب...
)




بينـي وبينـه مفيـض القـاع قــــد ســـالـي
ماظـــن أوصــــاف زينـه وصـــــف انسيـه!!
سحبـت اقــــدام رجلـي خــــوف تهتـالـي
لاجبت خطـوه نظــــرت بطْــــرْف وشــويـه

( لا والله إلا إنسية يابعدي , وهذا الموت... لكنكـ أقديت يوم سحبت أقدام رجلكـ
شاعر وعاشق ....وحكيم
)




يـوم استـدرت وزمالــــي مـــرقبـاً عالــــي
ماكـــر حــــرَار السمـــا ماجـــاه وكـــــريـه
رحت ورقيت وزعجت الصــــوت بلحـالــــي
واطــرد بشوفــي مــــدا مـن جــــور مافيّـه

( أبد...
هذي النهاية...
إرق
وإزعج الصوت...
والله كريم بماعقد لكـ يحله...
)




بالله ياللــــي تضيـم الشــــاص باحمــالـي
ياراعـــــي الجيـب روحـــــي حيــل مبليــه
وصـــل وصاتــــي امــانـه كـــان ترفــــالـي
لهـل الحمـــــايـه وجـب عشـــريـن دوريــه
تكفـــى وعجّـــل علـى المطلـوب يالغالـي
هــذا غــــزالاً طلـــع مـن وســــط محميـه

( والله لو جاب لكـ ألف دورية ماتنفع...
ماينفع إلا على سنة الله ورسوله...
وأطيب مافي غزالكـ إنها رابيةٍ في وسط محمية...
هذا الدواء...
)




علمــــي صحيحـــاً لهـا ويمكـن يورالــــي!
مــــار الوكــــــاد انهــا بالعيـن عفــــريـه00





الهبوب

( فيصل )


صح لسانكـ
وقصيدة لاتحتاج لمن يمتدح فيها



كل المطلوب إستمراكـ بهذا النزف الجميل في منتدانا لاعدمناكـ



تقبل خااالص تحياااات


أخيكـ

 

الرد مع إقتباس
  #7  
قديم 26-12-2004, 04:43 PM
صافي النوايا صافي النوايا is offline
شاعر
 





صافي النوايا is an unknown quantity at this point
 

 

الهبوب

شفت الشعـر والهـدب والعيـن وجلالـي= والثـوب يلعـب الـى هبـت جنوبـيـه
بينـي وبينـه مفيـض القـاع قـد سالـي = ماظن أوصـاف زينـه وصـف انسيـه!!
سحبـت اقـدام رجلـي خـوف تهتالـي= لاجبت خطـوه نظـرت بطْـرْف وشويـه
يـوم استـدرت وزمالـي مرقبـاً عالـي = ماكـر حـرَار السمـا ماجـاه وكـريـه
رحت ورقيت وزعجت الصـوت بلحالـي= واطرد بشوفـي مـدا مـن جـور مافيّـه
بالله ياللـي تضيـم الشـاص باحمـالـي = ياراعـي الجيـب روحـي حيـل مبليـه
وصـل وصاتـي امانـه كـان ترفـالـي= لهـل الحمايـه وجـب عشريـن دوريـه
تكفى وعجّـل علـى المطلـوب يالغالـي = هـذا غـزالاً طلـع مـن وسـط محميـه
علمـي صحيحـاً لهـا ويمكـن يورالـي!= مـار الوكـاد انهـا بالعيـن عفـريـه00

ما اقدر ازيد على ماقالوا الشعار
ولكن اقول
صح لسانك وبيض الله وجهك

 

الرد مع إقتباس
  #8  
قديم 27-12-2004, 11:31 PM
الهبوب الهبوب is offline
عضو مشارك
 





الهبوب is an unknown quantity at this point
 

 

اخوي الغالي والشاعر والمبدع زيد رما


يعلم الله ان وجودك يشرفني وكلماتك وسام على صدري وصدر القصيده


ولتعلم اني اتعلم منك حتى في ردك يالغالي

وبالنسبه لوطية الريم ياعبدالكريم انا في ظني انه الدلع هو اللي يشد فيها!!!

وعزالله انك صادق وجيت على الجرح يوم تقول ان ريحة الجلال تدوخ !!!!

ياخي سبحان اللي خلق الزين 0

( والله كريم بما عقد لك يحله ) للجميع ان شاء الله وياسلام عليك والله


زيد رما لاعدمت تواجدك وحضورك المميز والذي استفيد منه بكل اشكاله

دمت للجميع بكل خير

اخوك

الهبوب

 

الرد مع إقتباس
  #9  
قديم 27-12-2004, 11:35 PM
الهبوب الهبوب is offline
عضو مشارك
 





الهبوب is an unknown quantity at this point
 

 

الشاعر والعلم محمد بن صقيران


ان كاني شاعر اجل انت وش تصير ياشعيل؟!!


عزالله انك بيطار القوافي

وجود اسمك هو الشرف بعينه وكلماتك تاج يالغالي


لاعدمت حضورك وتواصلك وجعلك تسلم والله

تقبل تحيات اخوك

الهبوب

 

الرد مع إقتباس
  #10  
قديم 27-12-2004, 11:38 PM
الهبوب الهبوب is offline
عضو مشارك
 





الهبوب is an unknown quantity at this point
 

 

الغالي كريم سبلا


ووجهك يالغالي وهذا والله من حسن ذاتك وذوقك


وياسعد حض القصيده اللي بترجع لها


لاعدمت حضورك ونورك وتسلم على كل الاحوال

اخوك

الهبوب

 

الرد مع إقتباس
  #11  
قديم 27-12-2004, 11:42 PM
الهبوب الهبوب is offline
عضو مشارك
 





الهبوب is an unknown quantity at this point
 

 

الغالي عميد بني زيد


تسلم اولاً على مرورك وتشريفك للصفحه


والف شكر على طيب كلماتك وحسن ذوقك


والفخر لي ان الابيات اعجبت شرواك يالغالي


وليتك تسلم من كل شر والله لايحرمني من تواجدك الدائم

اخوك

الهبوب

 

الرد مع إقتباس
  #12  
قديم 27-12-2004, 11:45 PM
الهبوب الهبوب is offline
عضو مشارك
 





الهبوب is an unknown quantity at this point
 

 

الغالي والشاعر الراقي صافي النوايا


ووجهك يالغالي ويعلم الله ان وجود اسمك يغني عن كل الكلمات


ويكفي انك اعطيتني بعضاً من وقتك وسجلت حضورك الرائع بروعتك


كل التحيه والتقدير لشخصك المميز

اخوك

الهبوب

 

الرد مع إقتباس
  #13  
قديم 28-12-2004, 12:24 AM
الصورة الرمزية لـ الحرقوصي
الحرقوصي الحرقوصي is offline
عضو مثالي
 





الحرقوصي is on a distinguished road
 

 

ابن العم(الهبوب)

أنا لستُ بشاعر ولكن قصيدتك قد حركت فيني المشاعر

سلمت وصح لسانك



ونريد من شعرائنا الأفاضل مثل هذي النوعية من القصائد إللي تجي على فالها وكلها أحاسيس ومشاعر صادقة


دمت لنا وتقبل مني تحية معطرة بالود والتقدير

 


::: التوقيع :::



" كل الشكر لأخي(دمكسDMX)على التصميم....والشكر موصول لأخي (ابو سعد)على تنزيله لي كتوقيع"
<< قولوا ماشاء الله تبارك الله>>


 
الرد مع إقتباس
  #14  
قديم 28-12-2004, 01:29 AM
الورده الورده is offline
عضو مشارك
 





الورده is an unknown quantity at this point
 

 

قد يكون الناقل لايجيد الشعر ولكن يجيد الإختيار فارى ان اخي الهبوب

قد أحسن الاختيار فشكرا لك

 

الرد مع إقتباس
  #15  
قديم 28-12-2004, 02:23 AM
الصورة الرمزية لـ سعد الحامد
سعد الحامد سعد الحامد is offline
ابو عبدالرحمن
 






سعد الحامد is a jewel in the roughسعد الحامد is a jewel in the roughسعد الحامد is a jewel in the rough
 

 

الهبوب صح لسانك مليون

هبت ولا ظني يوقفها أحد ... ننتظر باقي الهبوب ويلحقه وسميه ان شاء الله

سجلني متابع جيد

 

الرد مع إقتباس
المشاركة في الموضوع


خيارات الموضوع
طريقة العرض

قوانين المشاركة
لا بإمكانك إضافة موضوع جديد
لا بإمكانك إضافة مشاركات جديدة
لا بإمكانك إضافة مرفقات
لا بإمكانك تعديل مشاركاتك

كود [IMG] متاح
كود HTML غير متاح
Trackbacks are غير متاح
Pingbacks are غير متاح
Refbacks are غير متاح

 
جميع الأوقات بتوقيت السعودية. الساعة الآن » [ 12:19 AM ] .


Powered by vBulletin Version 3.6.4
Copyright ©2000 - 2019, Jelsoft Enterprises Ltd.
SEO by vBSEO 3.1.0 ©2007, Crawlability, Inc.
حقوق كل مايعرض في هذا المنتدى محفوظة لمنتدى بني زيد
www