مجنونة فوجي الجديده FinePix HS10 .. تقرير كامل

بسم الله الرحمن الرحيم
الكاميرا تووها نازلها 2010 ... اذهلتني امكانياتها طبعا
فقلت تستاهل تقرير محترم الصراحه
بسمه نبدأ
المواصفات الرئيسيه :
* 10 ميجا بيكسل وهذا خلاني اقول ادائها راح يكون مميز ومو رافعين البيكسلات
* تصور بصيغة الJPG والRAW والاثنين معا
* زوم مجنون 30X ... يعادل 24-720مم .. مع تحكم يدوي به
* تصوير بانوراما
* تصوير متتابع بسرعة 10فريم بالثانيه وهذا رقم روعه
* تصوير فيديو Full HD 30 ب30فريم وهذا رقم حلو مع صوت ستيريو
* مخرج HDMI

وهذا انا اقول



اول شي الزوم وقوته 30X


يعطي تقريب


التصوير المتتابع 7 صور بسرعة 10 فريمات بالثانيه


مود او وضع اسمه (( افضل لقطه ))
وهذا الوضع لمن تحطه .. يسمحلك انك تضغط نص ضغطه على الغالق او الشتر وتنتظر اللحظه اللي انت منتظرها تضغط ضغطه كامله
تقول الكاميرا تصور لحظة التصوير وبنفس الوقت 7 صور تسبق الصوره اللي صورتها .. عشان ماتفوت ولا ثانيه من الشي المنتظر وهذي ميزه فلله


خاصية سوبر هاي سبيد موفي ... يعني تصوير فائق السرعه فيديوي ..
وهذي تسمحلك تاخذ لقطه فيديو بسرعة تصل الى 1000 فريم تخيل عشان تثبت اي حركه بكل اريحيه


تصوير بانورامي زي اللي موجود بالسوني


خاصية ازالة الحركه ... برضو حركه اليمه
هذي تسمحلك تاخذ 5 صور للشي اللي تبي تصوره وماتبي الناس اللي موجوده تطلع ... تقوم الكام تحلل ال5 صور وتزيل الناس اللي موجوده بكل بساطه بس تعطيك صوره بحجم 2 ميجا بيكسل .. برضو حلو


خاصيه أليمممه ثانيه .. صوره متعددة الحركه
بكل بساطه على هذا الوضع .. تضغط زر تصوير او الشتر والكام راح ياخذ برضو 5 صور ويدمجهم ويطلع الناتج صوره مثل كذا


في وضع اسمه وضع الاناره المنخفضه الاحترافي
وهذا الوضع تصور فيه مبنى او اي شي ثابت بالليل .. تقوم الكاميرا تصور 4 صور بايزو مرتفع وتدمج ال4 مع بعض ويصير عندك صوره ايوزو عالي بنويز معدوم زي الكاميرات الاحترافيه

مانع اهتزاز عالي الدقه يمنع البلر او الاهتزاز بالصوره


فوكس تعقب اوتوماتيكي ... يعني حاجه متحركه تضغط نص ضغطه على الشي تقوم الكاميرا تقفل على الشي المراد تصوير .. ويصير الفوكس ثابت مهما تحرك الانسان او الحيوان اللي قاعد يتصور بدون اعادة البحث عنه

وضع اسمه الزوم التعقبي .. وهذا يخليك لمن تاخذ صوره لشي بعيد .. بضغطه وحده يعطيك صوره بالبعد اللي انت حطيته واثنين بتكبير اكبر

زوم محدد ... يعني تبي تصور كلب معدي من قدامك .. الكاميرات الثانيه اول مايصير الكلب بالشاشه وتضغط عشان تصور .. راح يكون الكلب نصه عدى .. وتاخذ صوره من ورا ... اما هنا بضغطه وحده .. راح تتعقب الشي اللي معدي واول مايصير داخل فريم الشاشه ترك .. اخذت صوره صحيحه

وضع ازارير التحكم كامله كل زر على حدى لتسهيل التصوير مشابه للموجود بالكاميرات الاحترافيه


شاشه 3 بوصه .. متحركه


مقطع فيديو يبين خصائص الكام
http://www.*@*@*@*@*@*@*@.com/watch?v=f7EoAE14Z9k

وهذا مقطع يبين التصوير البطيء والرائع بهذه الكام
http://www.*@*@*@*@*@*@*@.com/watch?...eature=related

سعرها 1800 شامله = (الكاميرا + ذاكرة 8 قيقا + شنطة )
مكان بيعها الحارثي على طريق الوشم بجانب مطعم عمو حمزة وفي نهاية طريق الوشم من الغرب قبل ان تصل طريق الملك فهد
ايضاً متوفره لدى كام فور سيل توصلها إلا موقعك بسعر رمزي للتوصيل بسعر 1550 ريال للكمرة فقط بدون شنطة ولا ذاكرة

،،

تحياتي للجميع

مـ ـ ـنـ ـ ـقـ ـول

من ناحية الأرقام مدري أنت تحسي عربي ولاّ أوردو

ومن ناحية الكيمره إن كان عندك أختها فـ لا مانع من زرقة المذكور أعلاه

وعفاك وعوافي

الجنرال
حياك الله اخوي

الكاميرا نزلت بالسوق في فبراير .. بيصير لها حوالي سنه


امكانياتها حلوه جداً
خصوصاً الزوم وعدد فريمات الفيديو

قرأت انه كاميرات الفوجي جداً ممتازة للتصوير في الإستديو


شكراً الجنرال على النقل

وش الافضل هذي الكامير ولا كانون D1000 ؟؟

مميز ورااقي بمواضيعك جنرالنا

كل الود والاحترام اخي الفاضل

والله انها قوية صراحة امكانيات رائعة جدا ً

الظاهر والله اعلم اني بجزم عليها لكن فيه اسئلة كثيرة تدور حولها مقارنة بالكميرات المعروفة


بالتوفيق ياغالي وشكرا ً لك

والله الكميرا رايقه ودي بوحده

طيب وشلون اشتريها عن طريق النت لاني بحثت عنها مالقيتها :(

الشيء الاخر تصوير الفديو كم مدته ؟ هل هو مفتوح المده .؟ وهل هو هاي دفنشن؟؟

هل توجد دقه اعلى من 10 ميجا بكسل؟؟؟

وشكرا

والله انا الحمدلله شريت الكميرا من 3 اشهر او اربعه والحمدلله ممتازه

لاكن انا ماقدرت افهمها
على ان اعداداتها سهله وبسيطه وتدعم اللغه العربيه لاكن عندي ملاحظه الصوره هذي

حقت التقريب غير صحيحه زوم ممتاز لاكن مو لهدرجه لاكن اقدر اجيبها بعد ماحط الزوم كامل وعقب التصوير ادخل على الصوره واحط تكبير

كذا اقدر اجيبها

جزاك الله خير