قصيده لاهل القويعيه

سعود الدريبي · #1 19-12-2004, 02:44 AM

[

B]قلت هذه القصيده بمناسبه اسبوع الشجره في القويعيه ويسعدني نشرها هنا اهداء لاهل القويعيه وعلى رأسهم اخي الغالي:
ســعــد الحامد..

بالسنه ياناس مايكفي اسبوع
من زرع باسبوع ماسقى ولا جنى
لو نسقيها من العين الدموع
مايساوي من جمايلها الذرى
والظلال الوارف من ام الفروع
والدفا بالسمر ومن جمر الغضى
شعب يزرع نخل لا يمكن يجوع
من سعفه افراش ومن ليفه رشى
الغذاء والخير منشاه الزروع
ومن شرب من كف غيره ماروى
صيد نجد اللي من اول بالجموع
انقطع يوم الشجر فيها قضى
نجد الى اخضرّت بها زينن يروع
ومن يحب امه يلبسها الكسى
الما والخضره مزينة الربوع
هي مكمله السعاده والهنا
ياعروس العرض جيتك بالدفوع
فوق خدك نزرع الشجره وفى
وياعروس العرض جيتك بالفزوع
فوق خدك نزرع الشجره سوى
والله اني بالقويعيه قطوع
لو زرعت من الشجر كثر الحصى

[/b]

أبو تالا · #2 19-12-2004, 07:22 AM

شعب يزرع نخل لا يمكن يجـوع
من سعفه افراش ومن ليفه رشـى

صح السانك شاعرنا سعود الدريبي

لك تحياتي وتقديري

المسافر · #3 19-12-2004, 08:21 AM

اخي الغالي سعود

صح السانك مليون

عزالله انك كفيت ووفيت يابن عمي

والقويعية غالية بهلها ولهلها

جاد بيانك و سلم بنانك

احترامي وتقديري

اخيك
المسافر

الجزيرة · #4 19-12-2004, 09:51 AM

والله انـي بالقويعـيـه قـطـوع
.......................... لو زرعت من الشجر كثر الحصى

سعود الدريبي
هلا بك وباطلالتك الراقية

وفي لديار بني زيد كما تشربت الحمية من زيزم الحميا عبد الله بن سعود
غفر الله له ولجميع المسلمين

صح لسااانك ولاهنت على هذه الشامخة باسم راعيها
ما قصرت

محمد بن صقيران · #5 19-12-2004, 10:09 AM

ابو احمد

كفووووو
وعلومك كلها غانمة يا سنااايدي

تستاااهل القويعية ..ماكر حرار ولا شك

قصيدة وفاء وتواصل لديار بني زيد وهي تستحق ولا شك والكل مقصر مع قويعية العز كما سماها الشاعر العلم المرحوم عبد الله بن سعووود الدريبي

لله درك ولنا الاستفادة والتعلم مما تقدم ايها الجبل الاشم

دمت بخير
ولك التحية

Haifa · #6 19-12-2004, 12:02 PM

.. سعــــود ..

صح لسانكـ .. وسلمتـ يمينـكـ ..

و القويعيه وأهلهــا يستاهلـــون كل خيـــر .. :)

سعد الحامد · #7 19-12-2004, 12:08 PM

سعود
لا خلا ولا عدم
دايم وافي وربي يشهد لا هل القويعيه وغيرهم
جعلك ذخر

صافي النوايا · #8 19-12-2004, 12:49 PM

سعوووود الدريبي

لو نسقيهـا مـن العيـن الدمـوع=
مايساوي مـن جمايلهـا الـذرى
والظلال الوارف من ام الفـروع=
والدفا بالسمر ومن جمر الغضـى

والله انك صدقت

ياعروس العرض جيتك بالدفـوع=
فوق خدك نزرع الشجـره وفـى
وياعروس العرض جيتك بالفزوع=
فوق خدك نزرع الشجـره سـوى
والله انـي بالقويعـيـه قـطـوع=
لو زرعت من الشجر كثر الحصى

كفو..كفو ياذيبان
صح لسانك...وبيض الله وجهك

سعد اليابس · #9 19-12-2004, 12:56 PM

الشاعر الرائع

سعود الدريبي

قصيدة رائعه ووفاء غير مستغرب على أمثالك يالقرم

تسلم وصح لسانك

لك تحياتي

ابوسيف

زيـد رومـا · #10 19-12-2004, 01:54 PM

الهبوب · #11 19-12-2004, 03:59 PM

صح لسانك يالدريبي وبيض الله وجهك

وفـيت وكفيت يالجزل

ولاهيب غريبه على مثلك وشرواك يالشاعر

تسلم ولاهنت على ماقلت

اخوك

الهبوب

السكري · #12 20-12-2004, 05:00 PM

مدري وش اقول
ياسعود
7
7
يامبدع
7
7
7
ياوفي

قلت :

ومن عقبها والسكري

يردد:
ومن شرب من كف غيره ماروى

ذهب من هنا وهو ما زال يردد

ومن شرب من كف غيره ماروى
و من شرب من كف غيره ماروى
ومن شرب من كف غيره ماروى

تحيات السكري

اذا كتبت لا اجامل

زيد الخيل · #13 20-12-2004, 06:29 PM

والله انـي بالقويعـيـه قـطـوع *******لو زرعت من الشجر كثر الحصىصح لساااااااااااااااااااااانك يابو عبد الله اكثر من رااااااااااااااااااااااااااائع
ولا يستغرب منك الوفااا يالواافى يالشهم يا نسل القروووم0

Abu_mshal · #14 20-12-2004, 07:06 PM

وياعروس العرض جيتك بالفزوع *** فوق خدك نزرع الشجـره سـوى
والله انـي بالقويعـيـه قـطـوع *** لو زرعت من الشجر كثر الحصى

ولد العم الغالي / سعود
صح لسانك وسلم بنانك نظمت فأبدعت يا مبدع
وبالعكس أنت لست قطوع وهذي هي قمة الوفاء والأخلاص
ألف شكر لك على ما سطرته لنا من كلمات في غاية الروعة والجمال وننتظر منك المزيد

أخوكم / أبو مشعل

سيف السيف · #15 21-12-2004, 12:35 AM

شعب يزرع نخل لا يمكن يجــــوع
................... من سعفه افراش ومن ليفه رشى

الغذاء والخيـر منــــشـاه الـــــزروع
.................... ومن شرب من كف غيــــره ماروى

صيد نجد اللي من اول بالجـــمـوع
.................... انقطع يوم الشجـر فيهـا قــــضـى

وافيه من وافي

وصح لسااانك وبيض الله وجهك يا ابو احمد

وهذا هو اللي تعودناه منك ..

انت كريم .. وربعنا اهل القويعيه يستاهلووون

لاعدمناكم جميعاً

خيارات الموضوع
عرض نسخة للطّباعة ارسل هذه الصفحة لصديق
طريقة العرض
النمط الخطي التحويل إلى النمط الشجري التحويل إلى النمط المتطوّر