تقريري المصور لليوم الوطني80 بالرياض 1431هـ

بسم الله الرحمن الرحيم

انتظر حتى يتم تحميل كل الصور








السلام عليكم ورحمة الله وبركاته


اليوم الوطني هو تخليد لذكرى تأسيس المملكه عام 1351هـ على يد المغفور له بإذن الله الملك عبدالعزيز آلـ سعود طيب الله ثراه

وافق ذلك التاريخ الخميس الماضي

كنت جالس ماعندي من الشيطان طاري قلت منها أريح بآخر الإجازه ومنها أفتك من الزحمات بسبب المحتفلين
وشوي أتصل علي واحد من الشباب ولزم علي نطلع قلت أوكي
خذت الكاميرا معي وللأسف ماكان معي عدسه كويسه ولكن قدر الله وماشاء فعل
انطلقنا على بركة الله
طبعاً كنت متوقع أنه بيصير فيه زحمه مو طبيعيه ولكن أعجبت بقوة التنظيم اللي صاير من قبل المرور
قفلوا جميع الطرق اللي يصير فيها إحتفالات وضجه مثل التحليه والعليا وتركي بن عبدالعزيز وبهالطريقة أجبروا المحتفلين يسوون مسيرة بطريق الملك فهد وطريق الملك عبدالله وصار الإحتفال شي ممتع مع الحفاظ على النظام في المسيره ومن يخالف الباص في إنتظاره
بصراحه أول يوم وطني أحتفل فيه وكان غايه في المتعه

إليكم الصور تحكي تلك الليله:






بداية طريق الملك فهد والحركة كانت سلسه






توقعتهم يرفضون التصوير ولكن ماقصروا






سألته قلت كل هالشعر لك..؟











روح وطنيه صغيره بعمرها كبيرها بمعناها








تحيه من بعييييييييد







فئات عمريه مختلفه شاركت بالإحتفال






تحيه رائعه









أجهرتني بفلاشك...!










الكل مبسوووووط










هذولا فطست عليهم من الضحك
جلسوا نص ساعه يلحقونا عقب ماصورناهم ويأشرون آخر شي وقف جمبي وقال: يأخي صار لي نص ساعه ألحقكم أبي أسألك بأي جريدة بتنزل الصور..؟







رُوحي وما مَلَكَتْ يداي فداهُ ــ وطني الحبيب وهل أُحب سواهُ





أنا مدري من اللي لاعب عليهم وقايل لهم أنه فيه حفلة تنكريه باليوم الوطني








كيف التكوه على التنده تنم عن رواااااقه








المسكين زواجه باليوم الوطني وشكله توهق بالزحمة الأكيد أنه دعى لي وقال جعلني أصورك بالجنه




يتبع...

بالله أبي أفهم وش سالفة رقم اثنين
كل من صورته شغر أصابعه على باله حركه












فضلوا التلثم بالعلم لإخفاء الوجه شي غريب






يوم وصلنا النفق صرت أسمع صوت له صدى يقول " أنا سعودي قسماً سعودي صورني " قلت تستاهل








حتى الصغار كان لهم نصيب من الإحتفال













هذا صراحة كان شكل سيارته روعه وطريقة تنسيقها بسيطه وجميله ولكن العسكري كان أعجل من الكاميرا وركبوه السطحه بحجة زبرقة السياره









حتى سيارته خضراء






وهذا أخفى معالم وجهه باللونين الأبيض والأخضر تعبيراً عن الفرح






حسيت أنه السيد مكاوي على النظاره الشمسية بالليل







طريق الملك عبدالله كما بدا تلك الليله













اللوك متعوب عليه يدوخ







شفت مثل هالسيارات كثير والشي اللي يحز في الخاطر تطيح الأعلام وتنداس كلمة التوحيد








مسيره من نوع آخر














بسم الله ماشاء الله عليهم الله يخليهم لأهلهم







تنكس...






every thing is O.K







مقزز باليوم الوطني







يوريني كتبة عبدالله على خده







ليش الدب لاتسألوني..!






ماشاء الله تبارك الله الله يحرسه







تبون تضحكون دحدروا للصوره اللي بعدها






هذى آخر صيحات الـ Rayban وصدقوني بتصير موضة بعد كم سنه ربعنا يجوز عليهم كلش












هالبنيه أشرت لها تحرك العلم وبغت تطس عين اللي قدام ههههههههه






فرحه جماعيه ولو عطيناهم جوهم كان أحيو حفلة قلطة بس الوقت ضيق








أعجبني هالشخص ماتكابر نفسه على الإحتفال وشارك عياله الفرحه











روووووعه







الله يخليهم لعين ترجيهم












والسلام عليكم ورحمة الله وبركاته
واعذروني على القصور

في أمان الله

والله أن صورك أونس من طلعتي بذاك اليوم

مسكتنا زحمه موب صاحية

اما ابو نظاره هههههههههههههههههههههه رهيب

مانقول الاالله يهدي شباب الامة ولاهنت اخ محمد على التقرير المميز

والتعليقات الرهيبة

جزاك الله خير

ياعندهم تميلح سامج !
خصوصا الحفله التنكريه
لو فيهم وطنيه صدق ,, مانطلوا الأعلام ووطوا عليها
وحرام فيها اسم ربي :(

التعليقآت أجمل من إللي موجود بــ الصور
تقرير مميز ,, الف شُكر

ماشاء الله ,,
تعليقآآتك راائعه جدا ,,
بس والله شيئ يضيق الصدرررر بإهانة كلمة التوحيد وراء ظهورهم وشيئ ماله داعي ,,
اللهم احفظ ملكنا ووطنا ,, وامننا واستقرارنا ,,
وزدنا خيرا ,,
جزااك ربي خيرا ,,

صور مره حلوه ولا احلامنها التعليق يعطيك العافيه

سيد مكاوي ماحقر عمره عز الله اللي بتنبعج التنده من ربضته ..




فرحه جماعيه ولو عطيناهم جوهم كان أحيو حفلة قلطة



مت ضحك عليك ,

واضح انهم جايين من عِفِيِف ..

بجد مجهود وتصوير عيشنا الحدث ..

شكر لك وتستاهل التقييم ..

ماشاء الله عليك ماخليت احد بالشارع ماصورته

مشكور لاهنت

لآ لآ لآ وش أبي زيهآآآ

إقتباس بالله أبي أفهم وش سالفة رقم اثنين كل من صورته شغر أصابعه على باله حركه

هآآذي اللّه يسسَلمك يسمّونهآ حبتين



مآشآء اللّه تهبّل لولآ سيقآنها

يَعطيك العآآفيه أخوي عَ هيك تقريييير

صرااحه وناسه
وتقرير روعه
مشكور~