السلام عليكم ورحمة الله وبركاته
اليكم هذه المشاركه مطروحه لنقدكم البنّاء
اعتذر عن بعض مسميات الاماكن الغير معروفه لديكم
هذا نفود السر ياشيخ جيناه = دن الحطب نبي نسوي عشانا
الخفس والساروت حنا وصلناه = والديره اللي ماهواها غوانا
لولا الغلا ياخوك ماكان جيناه = مير انت والورعان غالي علانا
وقصير عامر لا تضايقت تنصاه = ياحلو ذاك البر مرتع صبانا
قصر(ن) عسى المطلوب بالسيل يملاه = رحمة من المعبود ينبت كَلانا
ويمطر شمال كويّده و المحناه = وخشم المنيع اللي يطرّا علانا
حتى اللهد يروى وتشبع رعاياه = وتفرح جميع اربوعنا واخويانا
ونكشت ونستانس ونسقيك من ماه = احفاد زيد ابطال ماش(ن) غوانا
فينا الولد يعجبك طلعت محياه = وان كان جيت بلازم(ن) ما توانا
اينومسك لو كنت بأقصى دناياه = وترى الكرم والجود ينسب إلانا
من غير نقص بجمله الناس ياناه = وهبه من المعبود واجزل عطانا
30-07-2010, 12:56 AM
النمط الخطي
