منتديات قبيلة بني زيد

منتديات قبيلة بني زيد (http://www.banyzaid.com/vb/)
-   الـشـعـر الـنـبـطـي (http://www.banyzaid.com/vb/f9/)
-   -   تسعة شهورٍ جرى دمي بشريانك !!!!! (http://www.banyzaid.com/vb/t43082.html)

الشاعر الصغير 29-10-2007 06:01 PM

تسعة شهورٍ جرى دمي بشريانك !!!!!
 
غالي و أراعيك و أنهر كل من هانك=كنك غزالٍ بعينــي و أنتـــه شيينــي
أرجيك تكبر و أشوفك خيرة أقرانك=من كثر حرصي عليك مقابلٍ عيني
يا صبيّ لا تقهر الي تعب من شــانك=من صغرتك يا ضنايه وأنت بحضَيْني
تسعــة شهور جرى دمّي بشريـــانك=بين الحشــايا حفظتك داخل بطينـــي
خمســـة شهورٍ ترجـّفنــي بسيقــانك=والأوله بي نساةٍ و أمشــي هْويْنــــي
دافي حناني و صدري والحضن صانك=محدٍ فرق يوم جبتك بينك و بينــــي
أسهرتنـي تشتكي تطليعة أسنــانك=وفْرحت يومه بدا يظهر لك سنينـي
جافيت أبيّك بسبة طولــة لســـانك=عقبك غدا من صياحك وينه و ويني
بالليل ألوحق على رجليك غطيانك=و النـــوم حرمٍ عليّـــه قبل ثنتينـــي
أرهيت لك بالعطا وأكرمت صحبانك= مطلبك ما ردّ لو صار ألف أو ألفيني
أكرهت أبوك و شرى لك مثل رفقانك=موتر و لأجلك حديته يركبه دينــي
وأول عقوقك تواجهنـــي بحقرانك=لامن نصحتك جزايه ردّك الشينـــي
تعصي إلهك و تتبع شور شيطانك=وأنت متعلم تعرف الشين و الزيني
كودك تسنّع و تمشي مشية أخوانك=الكل قالوا رضا الله يوم ترضَيْنــي
أرجي صلاحك و ماشِ عيال عمّانك=والهـــادي الله و لا هيبـــه بالأيدينـــي

adreeem 29-10-2007 06:07 PM

مشكوووووووور على النقل

سيف شامان 29-10-2007 06:26 PM

إقتباس:

شيـيـنـي
يعني فيه رجاء يزين :(

صح لسانك وسلم بنانك ..

لا تحرمنا من جديدك ..

دمت بود :f2:

الشاعر الصغير 31-10-2007 06:45 AM

adreeem

أشكرك على حضورك و مداخلتك
و للمعلوميه فان القصيده من نظمي
و ليست من عادتي نقل قصائد الآخرين
دون الأشارة إليهم

سيف شامان
صح بدنك و سلمت يمينك
اشكرك على حضورك و مداخلتك الظريفه
و هي محل إهتمامي و تقديري

أشكركم جميعا و تقبلوا تحياتي

سعد الحامد 05-11-2007 05:37 AM

إقتباس:

أرهيت لك بالعطـا وأكرمـت صحبانـك
مطلبك ما ردّ لو صـار ألـف أو ألفينـي
الشاعر الصغير

صح لسانك مليون


انتظر جديدك بفارغ الصبر فلا تطيل الغيبه

لك خالص التقدير

طارق الحصان 07-11-2007 12:17 AM

الله الله على هكذا نص


صح لسانك يالشاعر الاجتماعي






شييني . أبيّك . سنيني . حضيني

كلمات اعجبتني في بساطتها


جميع الأوقات بتوقيت السعودية. الساعة الآن » [ 05:41 PM ] .

Powered by vBulletin Version 3.6.4
Copyright ©2000 - 2022, Jelsoft Enterprises Ltd.
حقوق كل مايعرض في هذا المنتدى محفوظة لمنتدى بني زيد


SEO by vBSEO 3.1.0 ©2007, Crawlability, Inc.