منتديات قبيلة بني زيد

منتديات قبيلة بني زيد (http://www.banyzaid.com/vb/)
-   الـشـعـر الـنـبـطـي (http://www.banyzaid.com/vb/f9/)
-   -   الجود ... بالماجود (http://www.banyzaid.com/vb/t16124.html)

عبدالله البليهي 21-08-2005 01:54 AM

الجود ... بالماجود
 
السلام عليكم ورحمة الله وبركاته .....

اليكم هذه القصيدة المتواضعة واتمنى ان تنال استحسان ذائقتكم :



الجود بالماجود...والجود ماجود = ماقد بخلت ابمدتي للدخيلي
مديتها للقوم في يوم مشهود = من دون منّه ..لا ولا هي سبيلي
هي فزعتن للي بدنياه محدود = فرجت له كربه ولا انقصُ حصيلي
لاكن ُ وجيه القوم يابيض ! يا سود ! = ملحا وكلحا بيضها ماتعيلي
والسود لا والله مامنّها فود = لا رحمبوها ...! شرها هدّ حيلي
اصبحت انا والقوم حاسد ومحسود = ميّلت عنهم مير مافاد ميلي
يومن بسطت اليدّ جازوني بجحود = وكلُ منُهم انكر بالنهاية جميلي
كلُ منُهم اصبح ينهش العظم ياسعود = ماعاد اميّز منهو فيهم قبيلي
كلُ منُ طعنّي قال من غير مقصود !!! = بانت نواياهم وعقلي دليلي
استاثموا فيني وصبري له احدود = صبري نفذ ! مالوم صبرن طويلي
استهدفوني والهدف صار منشود = يبغوني احيا ابذلّ والا قتيلي
لويجمعون احشود واحشود واحشود = انُ متّ متّ ابعز مااحيا ذليلي
لا يحُسبون اني اباانساق بقيود = لا والله الا دوم مخلى سبيلي
ولايحُسبون الصاع بالصاع مردود ! = او يحُسبون الصاع يكفي مكيلي !
والله لاردّ الصاع باصواع واّزود = ماكفِّ عنهم لين يشفا غليلي
وماناب انا من نسل ذريّة اسعود = ان ماجعلت ارقابهم تنحني لي

زيـد رومـا 21-08-2005 02:51 AM

كلُ منُ طعنّي قال من غير مقصود !!!
بانـت نواياهـم وعقـلـي دليـلـي

ماينخاف عليك ياذيب ...

استاثموا فيني وصبـري لـه احـدود
صبري نفذ ! مالوم صبـرن طويلـي

واصبر وماصبرك إلاباالله ...
استهدفوني والهـدف صـار منشـود
يبغونـي احيـا ابـذلّ والا قتيـلـي

ولاتكن في ضيقٍ ممايمكرون

لويجمعون احشود واحشـود واحشـود
انُ متّ مـتّ ابعـز مااحيـا ذليلـي
لا يحُسبـون انـي اباانسـاق بقيـود
لا والله الا دوم مخـلـى سبـيـلـي

مايحتاج لك شهود يابطرااان

ولايحُسبون الصاع بالصاع مـردود !
او يحُسبون الصاع يكفـي مكيلـي !
والله لاردّ الصـاع باصـواع واّزود
ماكـفِّ عنهـم ليـن يشفـا غليلـي

ولئن صبرتم لهو خيرٌ للصابرين
الغالي
شاعرنا البطران
دام ابداعك
ودام وجودك بيننا

إستمتعت بقرائتها وربي
كل التحااايااا
اخيك

عبدالله البليهي 21-08-2005 05:25 AM

استاذي وشاعري ابوصلاح

الابداع والروعه يكمن في حضوووورك استاذي الفاضل

اجد نفسي عاجزا عن انتقاء اعذب الكلمات التي تليق بشخصكم الكريم

الله لايحرمنا ابداعاتك

سعد الحامد 21-08-2005 09:01 AM

الله يالبطران
الله الله

صح لسانك

اصبحت انا والقوم حاسـد ومحسـود
ميّلـت عنهـم ميـر مافـاد ميـلـي

هذي الدنيا حاسد ومحسود الله ينجينا

الصييفي 21-08-2005 01:11 PM

لاكن ُ وجيه القوم يابيض ! يا سـود != ملحـا وكلحـا بيضـهـا ماتعيـلـي
والـسـود لا والله مامنّـهـا فــود= لا رحمبوها ...! شرهـا هـدّ حيلـي
اصبحت انا والقوم حاسـد ومحسـود= ميّلـت عنهـم ميـر مافـاد ميـلـي

صح لسانك يبو سعود،
الدنيا هكذا، فيها اللي يستاهل
و فيها اللي ما يستاهل،
لكن الله لا يضيع أجر المحسنين، إن شاء الله
لك تحياتي و تقديري.

وداعة الله

شقراوية بني زيد 23-08-2005 01:11 AM

البطـــــــــــــــــــــــران ..

هنيئاً لك بهذا الفكر المبدع ,,

كلماتك عذبه وابياتك متسلسله ..

شكرا لمعالي سموكم الكريم

المسافر 23-08-2005 01:52 PM

البطران

هنيئا لنا نرتشف من شعر شاعر اشعر بمشاعري

قد تبللت بعذوبة ما يكتب

ابو سعود صح السانك مليووووووون

دمت بود مع باقة ورد

اخيك

المسافر

غزال العارضيه 25-08-2005 05:22 AM

البطران..
صح لسانك...
كل بيت ينافس الآخر!..

وبين كل حرف وآخر معنى دوماً رائع!
صح لسانك..صح لسانك

كريم سبلا 26-08-2005 09:27 AM

افااااااااا ياهالعلم ,,, وش مزعلك يابوسعود ,,, ان احتجت ( دز ) رسالة جوااال وابشر بسعدك

وماناب انا من نسـل ذريّـة اسعـود
,,,,,,,,,,,ان ماجعلـت ارقابهـم تنحنـي لـي

كفو فيكم كلكم من اصغركم لأكبركم ,,,,,:،÷


على كل حال صح لسانك وعندك اياهم ,,, لا تخلي فيهم مغز ابره :g6:

أميرة بني زيد 31-08-2005 06:49 PM


صح لسانك ابو سعود على القصيده الحلوه وفي اقوال اخرى : جزله

بيّض الله وجهك وسوّد وجيهم انشاالله

السرمدي 31-08-2005 08:21 PM

إقتباس:

والـسـود لا والله مامنّـهـا فــود
لا رحمبوها ...! شرهـا هـدّ حيلـي
لاينهد حيلك يا أبو سعود...........
إقتباس:

اصبحت انا والقوم حاسـد ومحسـود
ميّلـت عنهـم ميـر مافـاد ميـلـي
الصبر مفتاح الفرج وأنا أخوك............
إقتباس:

يومن بسطت اليدّ جازونـي بجحـود
وكلُ منُهـم انكـر بالنهايـة جميلـي
كلُ منُهم اصبح ينهش العظم ياسعـود
ماعـاد اميّـز منهـو فيهـم قبيلـي
كلُ منُ طعنّي قال من غير مقصود !!!
بانـت نواياهـم وعقـلـي دليـلـي
ما عليك من أحد يا أبوسعود...............خلك أحسن منهم ......وخل جميلك باقي........

إلا إن زودوها عليك...........قل:

من عافنا عفناه ولو كان غالي...................ومن باعنا بالرخص بعناه ببلاش

صح لسانك..........وسلم بنانك
....................ودعتك ربي.................

سعود الدريبي 03-09-2005 05:03 AM

كــــــــــــــــــــفــــــــــــــــــــو ,,


كـــــــــــــــــــفـــــــــــــــــــــو ,,


كـــــــــــــــــــفـــــــــــــــــــــو ,,


كـــــــــــــــــــفـــــــــــــــــــــو ,,



وصح لساااااااااااااانك ...



دمت بهذا الحضور الرائع يالغالي..

عبدالله البليهي 03-10-2006 02:33 AM

برضو عذرا على التأخر بالرد

ابوعبدالرحمن

بدنك يالقرم لاهنت ع المروور جعلي ماافقد زولك

سيف شامان 07-10-2006 05:28 AM

إقتباس:

لاكن ُ وجيه القوم يابيض ! يا سـود !
ملحـا وكلحـا بيضـهـا ماتعيـلـي
والـسـود لا والله مامنّـهـا فــود
لا رحمبوها ...! شرهـا هـدّ حيلـي

ماشاء الله عليك يالبطران

حكم ياحكيم

قصيده راااائعه تدل على ان أخواتها ليس بأقل منها جمالاً


تسلم والله

دمت بود

جبرين بن سعد الجبرين 08-10-2006 01:59 PM

يومن بسطت اليدّ جازونـي بجحـود=
كلُ منُهم اصبح ينهش العظم ياسعـود=
كلُ منُ طعنّي قال من غير مقصود !!!=
استاثموا فيني وصبـري لـه احـدود=
استهدفوني والهـدف صـار منشـود=
لويجمعون احشود واحشـود واحشـود=

صح لسانك يالبطران

واللي ينكر المعروف يستاهل انك تاطى على رقبته

تحياتي لك

الصارم


جميع الأوقات بتوقيت السعودية. الساعة الآن » [ 03:07 PM ] .

Powered by vBulletin Version 3.6.4
Copyright ©2000 - 2022, Jelsoft Enterprises Ltd.
حقوق كل مايعرض في هذا المنتدى محفوظة لمنتدى بني زيد


SEO by vBSEO 3.1.0 ©2007, Crawlability, Inc.