منتديات قبيلة بني زيد

منتديات قبيلة بني زيد (http://www.banyzaid.com/vb/)
-   نزف القلم (http://www.banyzaid.com/vb/f60/)
-   -   معاناة شاب سعودي <موضوع مشارك بالمسابقه > (http://www.banyzaid.com/vb/t100934.html)

ماقوى بعادك 03-08-2010 10:48 PM

معاناة شاب سعودي <موضوع مشارك بالمسابقه >
 
بسم الله الرحمن الرحيم
فكرت فقررت ان اكتب قصتي فكاهيه نوعا ما فتحملت جروحي ونزفها لكي ادخل الفرح الى قلوبكم ياأورضاء منتداي الغالي

بسم الله نبدا

كنت ادور على وظيفه ولا حصلت شي من ثلاث سنوات وانا ادور وانا احمل شهادة بكالوريوس محاسبه
دخلت البيت وانا في راسي فكرة وحصلت الوالدة الله يطول لنا بعمرها قلت يمه قالت هاه مامعي فلوس حسيت ان جوها مقفل قلت اجل لو تسمع وش ابي اقول سميت بالله ونويت اقول لها قالت وش تبي قلت ابي اتزوج وتعطيني ذيك النظره والا شوي والى جزمتها تمر جنبي قالت انت اللحين عاطل ومن استراحه الى استراحه انت اللحين اشتغل وبعدين فكر بزواج قلت يمه انا من ثلاث سنوات وانا متخرج مو لاقي وظيفه وش اسوي
من شركه الى شركه من مكتب الى مكتب قالت الله يوفقك قلت لها اسمعي انا ابي اتزوج والا والله ماتشوفين وجهي بعد كن قلبها حن علي شوي قالت لي شف ابوك قله بعدين يصير خير قالت من سعيدة الحظ قلت لها وانا مستحي فلانه الى والجزمه الثانيه في وجهي قالت وش تبي بها والي فيها مايخطيها واستلمتها حش قلت اللحين خلي ابوي يوافق بعدين يصير خير قالت الله يكتب اللي فيه الخير والصالح اممم باقي المشكله الكبيره ابوي
وانا اروح له واحب راسه ويقول هلا والله بولدي هلا بنور عيني بشر عساك لقيت وظيفه قلت لا والله يبه
دعا لي وقال الله يوفقك قلت يبه قال لبيه قلت ابي اتزوج الى يوم انقلب 180 درجه ويهاوش علي انت اللحين ماتشتغل وشلون تبي تتزوج اذا ان شاء الله لقيت وظيفه يصير خير انت اللحين رح نم شكلك تعبان قلت ان شاء الله حطيت راسي على سريري ولا اعلم ماذا ينتظرني بكره واستيقظت من الصباح الباكر ادور على وظيفه
وانا احوس من شركه الى شركه واحصل لي وظيفه بشركه محترمه بس الراتب موب محترم 3800 ريال
وانا اروح طيران على البيت وابشر الوالده والوالد ويدعون لي وأطلع للشباب وانا مستانس ورجعت مبكر لاني وراي دوام بكره واروح وانوم واستيقظ مبكر وأروح للدوام اول يوم واسلم على مدير الشركه وعرفني على مدير
القسم حقي واسمه جوزيف مايكل يحمل الجنسيه اللبنانيه والامريكيه ويجلس يسولف قالي تصدق ودي اغير سيارتي سآلته وش سيارتك قال رينج روفر 2008 ودي اشتري لي رينج 2010 قالي انت وش سيارتك
قلت دتسن موديل 1995 سآلته كم راتبك ياجوزيف قال 28000 ريال سعودي شهريا غير بدل السكن وبدل النقل وبدل وبدل قالي وانت كم راتبك قلت له 3800 قال وهذا بدل شو قلت له بدل اني ماامد يدي لناس
واروح اتجول بالقسم حقي واسلم على الموظفين واسولف معهم ويجيني جوزيف قال يالله روح خلص لي هالاوراق وكرف طول اليوم من جوزيف الله لايوفقه رجعت البيت تعبان وانوم اول ماصحيت سلمت على ابوي وامي وقلت للوالده ابي اكمل نصف ديني واتزوج قالت ايه اللحين نروح نخطب لك واستنانس ابوي قالت امي عندي لك هاذيك البنيه اخلاق وجمال وكل شي فيها قلت توكلنا على الله كلميهم وخوذي معهم موعد قالت ان شاء الله وقالت بكره العصر ان شاء الله قلت يعني بكره مافيه وقت النوم بعد الدوام مافيه مشكله طلعت من الدوام
وصليت العصر ومشيت انا وابوي وامي ودخلنا عليهم وجلسنا وخطب لي ابوي وقال ابوها يصير خير
قال اللحين وقت النظره الشرعيه يوم رحت اشوف البنيه والى البنيه ملاك جالس على الارض وحبيت البنيه
قال ابوها توكلنا على الله ونملك وكان ابوها متفهم وكان المهر حلو مو مثل الحين غلا مهور
وحددنا موعد الزواج
يوم رحت بداوم بكره الى ويتصل علي واحد من اخوياي قال سلطان قلت سم قال ابشرك لقيت للك وظيفه محترمه حكوميه انا ماصدقت قلت من جدك قال ايه والمدير يبي يقابلك اللحين واروح للمدير وقابله
واعجبته وتوظفت الحمدلله براتب 8000 ريال وجه البنيه صار علي فاتحة خير واتزوج واعيش عمري
الى هاذي اللحظه بسعاده وهنا .

القصه تحكي معاناة الشباب السعودي

تحياتي : ماقوى بعادك

جوباح الأسيمر 03-08-2010 11:58 PM

محاولة جميله لقلم شجاع

القصه موضوعها جدا جميل لكن كنت اتمنى ان تملأها بالمشاعر والاحاسيس

من دون ان تقتلها بالسرد الممل للأحداث !

سوف أكتب لك مقطع صغير مشابه لمعاناتك مررت به انا ايضا

اعتقد انك قفزت قفزات كبيره جدا وتجاوزت بعض المشاهد كان يجب ان تعطيها حقها !



- تخرجت من الثانويه وكلي شوق ان اجد الوظيفة حتى اتمكن من الزواج من محبوبتي

- توجهت مبكرا الى احدى الشركات وكلي امل ان اجد القبول 0

فاليوم موعد مقابلتي مع مدير الشركة 000 دخلت وانا مرتبك بعض الشيء وبحوزتي

ملف وضعت به بضعة وريقات لعلها تشفعلي امام المدير !

- دخلت وانا امشي ببطء شديد 000 كم هي المسافه اصبحت طويله حتى اصل الى
مكتب المدير 0

كان يتصفح البريد ومن الواضح انه لم يعرني ادنى اهتمام !

بادرته بالتحيه 000 صباح الخير !

- رد علي وكأنه يريد ان ينهي المقابله !

انت فلان 00 اعطني الملف !

دفعت اليه الملف برفق وتراجعت قليلا للوراء للأستعداد لأي سؤال قد يباغتني به !

- لكن هذي شهادتك قديمه !

- نعم طال عمرك كنت طوال هالمده ابحث عن وظيفه لكن مالله وفق !

- آسفين 000 من الواضح انك شخص كسول 000 من ثلاث سنوات متخرج

وللحين ما اشتغلت !

- لكن ! لكن لاتشبه اي لاكن 000 كانها غصة حزن !

اخذت اوراقي ومشيت وبطريقي لقيت المئات من الشباب ينتظرون دورهم للمقابله

- ماقدرت اناظرهم 000 مع ان هناك في عيونهم ألف سؤال وسؤال !




- هذا مقطع صغير كتبته الحين لكنه راسخ بذاكرتي !

اتمنى منك تعطي مشاعرك مساحه واسعه حتى تخرج لتمتعنا بها 0



يكفي حضورك عن كل حضور 000

بحد ذاته محاولتك تعتبر شيء جميل

لكن اعتقد انك استعجلت بالمشاركه ودايما تكون العجله على حساب المستوى


تقبل تحياتي

الماصول 04-08-2010 12:15 AM

ما قوى بعادك
تشكر ، وأعتقد أنك تريد أن تشير لحديث الذى جاء يشتكى الفقر للرسول صلى الله عليه وسلم فنصحه بالزواج ،
ويشكر جوباح على الأسلوب الراقى ، وهو توجيه جميل
وفيها تلميحات جيدة

موج الغلا 04-08-2010 05:36 AM

قصة حلوة تصور معاناة شباب اليوم 11*@

ولكن لا حظت ان الجمل والعبارات بعضها بالفصحى :+

قلم مبدع وان شاء الله نشاهد كتابات احلى :j8:

ماقوى بعادك ... الله يعطيك العافية :f2:

عبد العزيز الخالدي 04-08-2010 12:51 PM

قصة تحكي المعاناة..
الف شكر لك .
سعدت كثيرا بقراءتها

ذكريات الطفوله 04-08-2010 01:10 PM

فالك التوفيق أخوي (|)

ماقوى بعادك 04-08-2010 01:25 PM

إقتباس:

المشاركة الأصلية بواسطة جوباح الأسيمر (المشاركة 2360667)
محاولة جميله لقلم شجاع

القصه موضوعها جدا جميل لكن كنت اتمنى ان تملأها بالمشاعر والاحاسيس

من دون ان تقتلها بالسرد الممل للأحداث !

سوف أكتب لك مقطع صغير مشابه لمعاناتك مررت به انا ايضا

اعتقد انك قفزت قفزات كبيره جدا وتجاوزت بعض المشاهد كان يجب ان تعطيها حقها !



- تخرجت من الثانويه وكلي شوق ان اجد الوظيفة حتى اتمكن من الزواج من محبوبتي

- توجهت مبكرا الى احدى الشركات وكلي امل ان اجد القبول 0

فاليوم موعد مقابلتي مع مدير الشركة 000 دخلت وانا مرتبك بعض الشيء وبحوزتي

ملف وضعت به بضعة وريقات لعلها تشفعلي امام المدير !

- دخلت وانا امشي ببطء شديد 000 كم هي المسافه اصبحت طويله حتى اصل الى
مكتب المدير 0

كان يتصفح البريد ومن الواضح انه لم يعرني ادنى اهتمام !

بادرته بالتحيه 000 صباح الخير !

- رد علي وكأنه يريد ان ينهي المقابله !

انت فلان 00 اعطني الملف !

دفعت اليه الملف برفق وتراجعت قليلا للوراء للأستعداد لأي سؤال قد يباغتني به !

- لكن هذي شهادتك قديمه !

- نعم طال عمرك كنت طوال هالمده ابحث عن وظيفه لكن مالله وفق !

- آسفين 000 من الواضح انك شخص كسول 000 من ثلاث سنوات متخرج

وللحين ما اشتغلت !

- لكن ! لكن لاتشبه اي لاكن 000 كانها غصة حزن !

اخذت اوراقي ومشيت وبطريقي لقيت المئات من الشباب ينتظرون دورهم للمقابله

- ماقدرت اناظرهم 000 مع ان هناك في عيونهم ألف سؤال وسؤال !




- هذا مقطع صغير كتبته الحين لكنه راسخ بذاكرتي !

اتمنى منك تعطي مشاعرك مساحه واسعه حتى تخرج لتمتعنا بها 0



يكفي حضورك عن كل حضور 000

بحد ذاته محاولتك تعتبر شيء جميل

لكن اعتقد انك استعجلت بالمشاركه ودايما تكون العجله على حساب المستوى


تقبل تحياتي

مرحبا بك اخي جوباح شرفني مرورك
ملاحظاتك جميعا في محلها يااستاذي الكريم
بس انا كنت مستعجل مررره لان كنت مشغول ماستغرقت ثلث ساعه في كتابة هاذي القصه انا اصلا ماكان لي نيه اكتب
ولكن عندما شاهد الشباب يشاركون احسست انا اناملي تريد الكتابه وعقلي وقلبي ايضا وفي النهايه القصه من وحي الخيال
مرورك اتشرف به

ماقوى بعادك 04-08-2010 01:27 PM

إقتباس:

المشاركة الأصلية بواسطة الماصول (المشاركة 2360677)
ما قوى بعادك
تشكر ، وأعتقد أنك تريد أن تشير لحديث الذى جاء يشتكى الفقر للرسول صلى الله عليه وسلم فنصحه بالزواج ،
ويشكر جوباح على الأسلوب الراقى ، وهو توجيه جميل
وفيها تلميحات جيدة

تشرفنا بمرورك يااميرنا

ماقوى بعادك 04-08-2010 01:29 PM

إقتباس:

المشاركة الأصلية بواسطة موج الغلا (المشاركة 2361102)
قصة حلوة تصور معاناة شباب اليوم 11*@

ولكن لا حظت ان الجمل والعبارات بعضها بالفصحى :+

قلم مبدع وان شاء الله نشاهد كتابات احلى :j8:

ماقوى بعادك ... الله يعطيك العافية :f2:

موج الغلا انا تعمد ان تكون بعض الكلمات باللغه العربيه الفصحى لكي
يكون فيها بعض المرح وبعض الجديه في نفس الوقت
مرورك زاد متصفحي نورا

ماقوى بعادك 04-08-2010 01:30 PM

إقتباس:

المشاركة الأصلية بواسطة عبد العزيز الخالدي (المشاركة 2361449)
قصة تحكي المعاناة..
الف شكر لك .
سعدت كثيرا بقراءتها

العفو مرورك شرف لي

ماقوى بعادك 04-08-2010 01:31 PM

إقتباس:

المشاركة الأصلية بواسطة ذكريات الطفوله (المشاركة 2361466)
فالك التوفيق أخوي (|)

الله يجزاكي الف خير
مرورك اسعدني

ماقوى بعادك 04-08-2010 01:32 PM

شباب القصه هاذي من نسج الخيال وهي تحكي معناة الشباب السعودي
يعني القصه لم تحصل لي ودعواتكم اخلص الجامعه

إكليل الورد 04-08-2010 01:58 PM

قصه فعلاُ واقعيه .. رغم أن أسلوبها سلس إلا أنها لاقت قبول


فالك التوفيق :f2:

ماقوى بعادك 04-08-2010 02:06 PM

إقتباس:

المشاركة الأصلية بواسطة إكليل الورد (المشاركة 2361504)
قصه فعلاُ واقعيه .. رغم أن أسلوبها سلس إلا أنها لاقت قبول


فالك التوفيق :f2:

انا متعمد يكون اسلوبها كذا لاني لو كتبتها بالاسلوب التقليدي ماراح يصير لك نفس تقرا
اكليل الورد شرفني مرورك

بنت سدحان 04-08-2010 02:28 PM

استمتعت بقرائتها

فالك الفوز
وبالتوفيق


جميع الأوقات بتوقيت السعودية. الساعة الآن » [ 07:00 AM ] .

Powered by vBulletin Version 3.6.4
Copyright ©2000 - 2019, Jelsoft Enterprises Ltd.
حقوق كل مايعرض في هذا المنتدى محفوظة لمنتدى بني زيد


SEO by vBSEO 3.1.0 ©2007, Crawlability, Inc.